ភាពជោគជ័យនៃស្នេហាពិត សាឡូម៉ូន៨:៥-១៤

I.              សេចក្ដីផ្ដើម (ស្នេហាវ័យចំណាស់)

មាននារីគ្រីស្ទានជនជាតិខ្មែរម្នាក់រស់នៅដោយ មិនបានទាក់ទងអ្នកណាធ្វើជាសង្សារព្រោះ

នាងធ្លាប់មានគិតគិតថាគេមិនស្មោះនឹងស្នេហារបស់នាងពេលខ្លះនាងពិបាកនឹង ទទួលអ្នកដែលចូលមកសុំស្រឡាញ់នាងដោយសារខ្លះមិនបានជឿព្រះ មានចរិតមិនគួរទទួលយក។ ការទាំងនោះធ្វើឲ្យនាងនៅតែមិនព្រមទទួលអ្នករហូតនាងមកដល់វ័យចាស់ចិត្តគំនិតនាងបានជួបបុរសម្នាក់គាត់ជាគ្រីស្ទាន ស្រឡាញ់នឹងបំរើព្រះលៈបង់សម្រាប់ព្រះធ្វើដួងចិត្តនាង រំភើបដែលព្រះបានប្រទានឲ្យនាងបានស្គាល់បុរសពួកគេបានទាក់ទងគ្នាជាសង្សារដើម្បីមើលចិត្តគ្នាទៅវិញទៅមកអស់៣ឆ្នាំ មានការស្រឡាញ់នឹងឲ្យតម្លៃទៅគ្នាទៅវិញទៅមក។ ភ្លើងស្នេហ៍បានបញ្ឆេះឲ្យពួកគេបានរៀបការជាមួយគ្នាសង់គ្រួសារជាមួយគ្នាដើម្បីសំរេចការស្រឡាញ់អាចថែរក្សាគ្នារហូត ដោយរស់នៅបំរើព្រះជាម្ចាស់ជាមួយគ្នា។ សាច់រឿងអំពីនារីម្នាក់ទទួលបាននូវសេ្នហាពិត បានបឆ្លុះបញ្ចាំងឲ្យយើងមើលឃើញក្នុងសាច់រឿងក្នុងព្រគម្ពីរសាឡូម៉ូន៨:៥-១៤ដែលនិយាយអំពីភាពជោគជ័យនៃស្នេហាពិតរបស់គូស្នេហ៍មួយគូរ។

សំនួរស្នូល តើធ្វើដូចម្ដេចទើបអាចជោគជ័យស្នេហាពិតបាន?

II.         សង្ខេបបទគម្ពីរ

នៅជំពូកចុងក្រោយនេះបានឃើញពីទំហនៃសេចក្ដីស្នេហាដ៏ធំអស្ចារ្យដែលមានកម្លាំងខ្លាំងជាងសេចក្ដីស្លាប់ និងភាពប្រចណ្ឌក៏សាហាវជាងស្ថានឃុំព្រលឹងមនុស្សស្លាប់ទៀតគេចមិនផុតពីការនេះទេ។ ស្នេហាដែលមានភាពចាស់ចិត្តគំនិតមិនងាយរង្គោះរង្គើទៅណាឡើយហើយ មានការថែរក្សាគ្នាយកចិត្តទុកដាក់ចំពោះគ្នាទៅវិញទៅមកផង។  ការស្រឡាញ់យល់ចិត្តយ៉ាងស៊ីជំម្រៅរបស់ពួកគេបានធ្វើឲ្យភ្លើងស្នេហាឆេះឡើង។

III.        រចនាសម្ព័ន្ធ

1.    ឥទ្ធិពលនៃស្នេហា(៥-៧)

2.    ភាពពេញវ័យខាងចិត្តគំនិត(៨-១០)

3.    ការថែរក្សាចំណងស្នេហា(១១-១៤)

II.            ការកាត់ស្រាយ

1.   ឥទ្ធិពលនៃស្នេហា(៥-៧)

នៅខ៥តើ​នាង​ណា​នុ៎ះ ដែល​ឡើង​មក​ពី​ទី​រហោស្ថាន កំពុង​ផ្អែក​លើ​អ្នក​ស្ងួន​សំឡាញ់​របស់​នាង​ដូច្នេះ។អញ​បាន​បណ្តាល​ឲ្យ​ឯង​មាន​សេចក្តី​ស្រឡាញ់​នៅ ក្រោម​ដើម​សារី  ជា​ទី​ដែល​ម្តាយ​ឯង​បាន​ឈឺ​នឹង​សំរាល ជា​ទី​ដែល​អ្នក​ឈឺ​នឹង​សំរាល​បាន​បង្កើត​ឯង​មក។  នៅទីនេះវាជារូបភាពដូចជាគូរស្នេហ៍កំពុងបណ្ដើរគ្នាកៀកកើយគ្នាដំរងឆ្ពោះមកកាន់ផ្ទះនារីនោះពាក្យថាតើនាងណានុះបានបញ្ជាក់នៅជំ(៣:៦)គឺកូនក្រមុំរបស់ស្ដេចសាឡូម៉ូនដែលលោកបានយកគ្រែស្នែងទៅទទួលនាងពីទីរហោស្ថានឬវាលមានស្មៅខៀវខ្ចីមកក្នុងរាជវាំងដែលមានភាពស្ដុកស្ដុម។ សូម្បីនៅ(៦:១០)ក៏ប្រាប់ថានាងមានរូបឆោមដូចជាពន្លឺព្រះអាទិត្យដែលចាប់ផ្ដើមរះចែងចាំងតាំងពីពេលព្រឹកចឹង។ ពាក្យថាផ្អែកស្មានៅទីនេះមានន័យថាការរួមដំណេកជាមួយគ្នាដោយចិត្តនឹងចិត្តស្ម័គ្រស្មោះចំពោះគ្នា។ ឧទាហរណ៍ដូចជាប្ដីប្រពន្ធក្រោយដែលពួកគេបានរៀបការជាមួយគ្នារួចហើយ ពួកគេធ្វើដំណើរទៅកន្លែងដែលអាចសង់សេចក្ដីស្នេហាជាមួយគ្នាដោយគ្មានអ្នកណាមករំខានគឺ ក្រេបទឹកឃ្មុំជាមួយគ្នាតែពីនាក់ចឹង គ្មានអ្នកទីបីមកធ្វើជាឆ្អឹងទទឹងកពួកគេពួកគេអាចមានក្ដីសុខតែពីនាក់។

ចំណែកនៅ ខ៦សូម​ប្តិត​ខ្ញុំ​ម្ចាស់​និត្យ​នៅ​ព្រះទ័យ​ទ្រង់​ដូច​ជា​ត្រាគឺ​ជា​ស្នាម​ត្រា​នៅ​លើ​ព្រះពាហុ​ទ្រង់​ផងដ្បិត​សេចក្តីស្រឡាញ់​មាន​កំឡាំង ដូច​ជា​សេចក្តី​ស្លាប់ហើយ​សេចក្តី​ប្រចណ្ឌ​ក៏​សាហាវ ដូច​ជា​ស្ថាន​ឃុំ​ព្រលឹងមនុស្ស​ស្លាប់ហើយ​ជំហួល​នៃ​សេចក្តី​នោះ​ក៏​ជា​ជំហួល​នៃ​ភ្លើងជា​អណ្តាត​ភ្លើង​យ៉ាង​សហ័ស​ដែល​មក​ព្រះ។នារីនោះបានសុំឲ្យគូរស្នេហ៍នាងប្ដិតរូបនាងឲ្យជាប់ក្នុងដួងចិត្ត មានន័យថានាងចង់ឲ្យបុរសនឹងមានរូបនាងក្នុងកែវភ្នែកទោះបិទឬបើកសូមឃើញរូបនាងជានិច្ច ធៀបរូបនាងដូចជាត្រាគឺត្រាគេប្រើសម្រាប់អ្វីដែលសំខាន់ដូចជាការធ្វើប្លង់ដីធ្លីសំបុត្រកំណើត គឺវាសំខាន់បោះកន្លែងណាជាប់រហូតមិនងាយរលុបបានទេហេតុនេះបាននាងចង់ឲ្យរូបដូចជាត្រាដែលបោះជាប់នឹងដួងចិត្តរបស់គូរស្នេហ៍។ នៅ(លោកុប្បត្តិ៣៨:១៨)បាននិយាយពីការបោះត្រាលើរបស់អ្វីមួយវាជាការគ្រប់គ្រងជាកម្មសិទ្ធផ្ដាច់មុខ ដូចជាយើងយករបស់ទៅបញ្ចាំនៅហាងគេនឹងធ្វើការបោះត្រា ដើម្បីជាការចំណាំថាជារបស់យើងបញ្ចាំគេសិន។

  មួយទៀតដូចជាយើងយកម៉ូតូទៅផ្ញើនៅកន្លែងទទួលផ្ញើគេ នឹងសរសេរពីលេខសំបុត្រតែគេឲ្យមួយចំហើយនឹងកើបជាប់ម៉ូតូមួយចំហៀងចឹងជាចំណាំដើម្បីកុំឲ្យមានការភាន់ប្រឡំរបស់គេ។    ពួកគេបាននឹកចាំគ្រាដែលពួកគេបានសាងស្នេហាជាមួយគ្នា នៅក្នុងសួនច្បារដ៏ស្រស់ត្រកាលដោយសារឥទ្ធិពលនៃសេចក្ដីស្នេហា បានចងភ្ជាប់ចិត្តគ្នាយ៉ាងស្អិតរមួតបំផុត ក៏មានអំណាចដូចជាសេចក្ដីស្លាប់មានន័យថាមនុស្សទាំងប្រុសទាំងស្រីមិនអាចគេចផុត ពីសេចក្ដីស្នេហាដែលនឹងត្រូវកើតមានដល់ជីវិតគេដូចជាសេចក្ដីស្លាប់ចឹងគ្មានអ្នកអាចគេចរួចពីការស្លាប់នោះទេ។ ស្នេហាពិតតែងទាមទារក្លាយជាកម្មសិទ្ធិរវាងពួកគេទាំងពីរគ្មានអ្វីអាចបញ្ឍប់ភ្លើងស្នេហ៍ពួកគេបានទេ។

នៅខ៧ណា​ក៏​មិន​អាច​នឹង​ពន្លត់​សេចក្តីស្រឡាញ់​បាន​ឡើយទឹក​ជំនន់​នឹង​ពន្លិច​ក៏​មិន​បាន​ដែរទោះ​បើ​អ្នក​ណា​នឹង​ចំណាយ​ទ្រព្យសម្បត្តិ​នៅ​ផ្ទះ​ខ្លួន​អស់រលីង​ឲ្យ​បាន​សេចក្តី​ស្រឡាញ់គង់​តែ​អ្នក​នោះ​នឹង​ត្រូវ​បាន​សេចក្តី​មើលងាយទទេៗ​វិញ។ខនេះបានប្រាប់ថាអំណាចនៃស្នេហាដូចជាភ្លើងដែលឆេះដោយស្ពានធ័រឆេះរហូតទោះជាមានទឹកជន់ដូចជាទឹកសមុទ្រក៏មិនអាចពន្លត់ស្នេហានោះបានដែរ វាខ្លាំងខ្លាំមែនទែន(ទំនុកកំកើង១០៧:២៣)ទឹកច្រើនប៉ុណ្ណាក៏មិនអាចរារាំង ឥទ្ធិពលនៃសេចក្ដីស្នេហាពិតរបស់បុរសនារីមួយគូរដែរ។ ស្នេហាពិតនោះអាចជំនាស់គ្រប់បញ្ហាដែលកើតមានបណ្ដាលឲ្យមានការបាក់បែក។ មានមនុស្សជាច្រើនបានប្រើទ្រព្យសម្បត្តិរបស់ខ្លួនដើម្បីទិញសេចក្ដីស្នេហាតែមិនបានទទួលនូវស្នេហាពិតប្រាកដ ដូចចិត្តដែលខ្លូនប៉ងនោះទេ។

 ឧទារហណ៍មានអ្នកមានមួយចំនួនគេបានប្រើលុយដើម្បីទិញសេចក្ដីស្នេហាពីនារីវ័យក្មេងពួកគេទិញបានតែមិនមែនជាស្នេហាពិតដែលចេញ ពីបេះដូងរបស់នារីនោះមួយរយភាគរយគឺគេគ្រាន់តែចង់បានទ្រព្យសម្បត្តិ លុយកាក់ប៉ុណ្ណោះចុងក្រោយស្រីក្មេងៗទាំងនោះក៏រតចោលអ្នកមានអស់គ្មានទទួលបានចិត្តថ្លើមនាងទេ។ ស្នេហាដ៏ពិតមិនអាចប្រើទ្រព្យសម្បត្តិមាសប្រាក់ សំភារៈមកទិញបានទេគេប្រើចិត្តនឹងចិត្តទិញទើបាន។ ក៏មានអ្នកខ្លះគេបានចោទជាសួរថាតើស្នេហាជាអ្វី? មានអ្នកខ្លះបានឆ្លើយថាស្នេហាគឺជាការដែលមនុស្សនឹងមនុស្សស្រីមានចិត្តលើគ្នា ព្រមទទួលគ្នាបើកចិត្តសាកល្បងស្រឡាញ់គ្នាហើយ អ្នកខ្លះទៀតគេថាស្នេហាគឺជាថ្នាំម៉្យាងដែលអាចធ្វើឲ្យមនុស្សរស់នឹងស្លាប់បានក៏ឲ្យមនុស្សកើតទុក្ខ ឈឺចាប់ខ្ទាចខ្ទំគ្រាមគ្រាអាចទៅជាឆ្កួតបាន នឹងស្នេហាអាចធ្វើសប្បាយរីករាយមើលអ្វីក៏ឃើញស៊ីជម្ពូដែរគឺគេឃើញពិភពលោកនេះស្រស់ស្អាតណាស់ពេលគេមានស្នេហា។

ដូច្នេះ៥-៧ បានបង្ហាញពីឥទ្ធិនៃស្នេហាវាពិតជាមានអំណាចអស្ចារ្យអាចធ្វើមនុស្សរស់និងស្លាប់បានដែលគ្មានមនុស្សណាម្នាក់អាចគេចផុតពីសេចក្ដីស្នេហាដូចជាមិនអាចគេចពីសេចក្ដីស្លាប់បានដែរ។

2.   ភាពពេញវ័យខាងចិត្តគំនិត(៨-១០)

នៅខ៨យើង​មាន​ប្អូន​ស្រី​១មិន​ទាន់​ដុះ​ដោះ​នៅ​ឡើយតើ​យើង​នឹង​ធ្វើ​យ៉ាង​ណា​ចំពោះ​ប្អូន​យើងនៅ​ថ្ងៃ​ដែល​មាន​គេ​មក​ដណ្តឹង នៅត្រង់កន្លែងនេះនាងបានរំលឹកពីសំដីបងប្រុសនាងក្នុងកាលដែលនាងមានភាពជំទង់ក្មេងខ្ចីនៅឡើយ គាត់ព្យាយាមបង្រៀនអប់រំលុតដុំជួយឲ្យនាងមានចរិករឹងមាំអាចការពារភាពបរិសុទ្ធពីពួកមនុស្សប្រុសសាមាន់បាន។ គាត់បានគិតពីបញ្ហាថាបើសិនជាមានអ្នកណាមកញ៉ែប្អូនស្រីនោះនាងអាចការពារខ្លួនមិនធ្វើអ្វីដេលខុសក្រមសីលធម៌ជាកូនស្រីឡើយ។ ខ ៩បើ​នាង​ជា​កំផែង យើង​នឹង​ធ្វើ​ប៉ម​ពី​ប្រាក់​នៅ​ពី​លើបើសិន​ជា​នាង​ជា​ផ្ទាំង​ទ្វារ នោះ​យើង​នឹង​ធ្វើ​ក្រប​ពី​ឈើតាត្រៅ​ឲ្យ​នាង។

បើនាងរឹងមាំដូចជាកំផែងក្រុងនោះបងនាងនឹងលើកដំកើងនាង តែបើនាងខ្សោយដូចជាផ្ទាំងទ្វារនោះគាត់នឹងការពារជាពិត។ នាងបានការពាររក្សាភាពបរិសូទ្ធរហូតដល់វ័យចាស់ខាងចិត្តគំនិតនោះនាងទទួលបានស្នេហាពិត។ មានបុរសមា្នក់គាត់មានប្អូនស្រីតែមួយក្រោយដែលឪពុកម្ដាយរបស់គាត់ស្លាប់ចោលទៅគាត់ត្រូវការខុសត្រូវមើលថែប្អូនស្រីគាត់ទាំងធ្វើជាម្ដាយផងឪពុកផងដើម្បីការពារអប់រំប្រដៅក្នុងការជួយឲ្យជីវិតនាងពេលធំឡើងមានទាំងចរិយាមាយាថល្អភាពថ្លៃថ្នូរសមនារីដែលមនុស្សជាច្រើនត្រូវការចង់បាននាង។  នៅ១០ឯ​ខ្ញុំ​ជា​កំផែង​ពិត ដោះ​របស់​ខ្ញុំ​ជា​ប៉ម​ហើយតាំង​ពី​នោះ​ខ្ញុំ​នៅ​ចំពោះ​ព្រះនេត្រ​ទ្រង់ ដូច​ជា​អ្នក​ដែលបណ្តាល​ឲ្យ​មាន​សេចក្តី​សុខ នាងបានថានាងដូចជាកំផែនដ៏ពិតមានន័យថានាងមានភាពចាស់ទុំខាងគំនិត រឹងមាំមិនងាយនឹងចាញ់បញ្ឆោតប្រុសណាទេមុខនឹងនាងធ្វើនោះតែងគិតពិចារណាយ៉ាងហ្មត់ចត់ក្រោយមកនាងបានទទួលសេ្នហាពីស្ដេចសាឡូម៉ូនជាស្នេហាមានភាពចាស់គំនិតហើយ តែងធ្វើឲ្យមានភាពរីករាយចិត្តកក់ក្ដៅមានសុភមង្គលផង មានទំនួលខុសត្រូវចំពោះទង្វើដែលខ្លួនបានធ្វើ។

3.    ការថែរក្សាចំណងស្នេហា(១១-១៤)

នៅខ១១ស្តេច​សាឡូម៉ូន​ទ្រង់​មាន​ចំការ​ទំពាំងបាយជូរនៅ​ត្រង់​បាល-ម៉ូនទ្រង់​បាន​ប្រវាស់​ទៅ​ឲ្យ​ពួក​អ្នក​ដទៃ​ធ្វើដែល​ពួក​នោះ​គ្រប់ៗ​គ្នា​ត្រូវ​នាំ​យក​ប្រាក់១​ពាន់​ដួង​មក​ថ្វាយដើម្បី​ឲ្យ​បាន​ផល​ចំការ​នោះ ខ១២ឯ​ចំការ​ដែល​ជា​របស់​ផង​ខ្ញុំ​ម្ចាស់ នោះ​នៅ​ខាង​មុខខ្ញុំ​ម្ចាស់​នេះ​ហើយឯ​ទ្រង់ ឱ​សាឡូម៉ូន​អើយទ្រង់​នឹង​បាន​ប្រាក់​១​ពាន់​នោះហើយ​ពួក​អ្នក​ដែល​ធ្វើ​ចំការ​នឹង​បាន​ដល់​២​រយ​ដែរ។ មានអ្នកមានម្នាកើគាត់មានចំការនៅតាមដងភ្នំគាត់បានជួលកម្មករជានាក់ដើម្បីឲ្យទៅ នៅចាំមើលថែចំការដែលមានផលយ៉ាងល្អអ្នកមាននោះបង្គាប់ឲ្យកម្មករទាំងអស់មើលថែការពារឲ្យបានល្អដើម្បីកុំឲ្យមានសត្វណាចូលមកបំផ្លាញបានដូចគ្នសដែរ ស្ដេចសាឡូម៉ូនបានចំណាយទ្រព្យធនយ៉ាងច្រើន ដើម្បីថែរក្សានារីដែលគាត់បានស្រឡាញ់ដូចជាការមើលថែចំការទំពាំងបាយជូរដោយកម្មករជាច្រើន។ ចំការនោះ គឺជានារីដែលជាកម្មសិទ្ធរបស់គាត់តែម្នាក់គត់ពួកគេបានប្រកបជាមួយគ្នាយ៉ាងមានសេចក្ដីសុខសុភមង្គលជាមួយគ្នា។

 លើសពីនេះនៅខ១៣ឱ​នាង​ដែល​អាស្រ័យ​នៅ​ក្នុង​សួន​អើយពួក​ភឿន​រង់ចាំ​ស្តាប់​សំឡេង​ឯងសូម​ឲ្យ​អញ​បាន​ឮ​ផង ស្ដេចសាឡូម៉ូនបាននាំភឿនមិត្តរបស់គាត់ទៅជួបនឹងនារីដែលគាត់បានស្រឡាញ់នៅ ឯជនបទដែលនាងរស់នៅក្នុងចំការទំពាំបាយជូរហើយពាក្យថាសូម​ឲ្យ​អញ​បាន​ឮនេះនៅ(២:១៤)បានប្រាប់ស្ដាប់ដោយមិនបានឃើញគឺនៅទីលាក់កំបាំងនៅ(យេរេមា៤៨:២៨)ក៏បន្ថែមទៀតថាសំឡេងចេញពីក្រហែងថ្ម។ ខ១៤ឱ​ស្ងួន​សំឡាញ់​របស់​ខ្ញុំ​ម្ចាស់​អើយសូម​ឆាប់ៗ​ធ្វើ​ដូច​ជា​ប្រើស​ឬ​ក្តាន់​ស្ទាវនៅ​លើ​ភ្នំ​គ្រឿង​ក្រអូប​ទៅ។ ប្រើសឬក្ដាន់ស្ទាវគឺជាសត្វដែលមានកំម្លាំងពេញរត់លឿនហេតុនាងចង់ឲ្យគូរស្នេហ៍សប្បាយរីករាយក្នុងអំណាចស្នេហារបស់ពួកគេ។ នៅសុភាសិត៥:១៩ក៏បន្ថែមពីការសប្បាយរបស់គេតែពីនាក់។

V.      សរុបសេចក្ដី

តើធ្វើដូចម្ដេចទើបអាចជោគជ័យស្នេហាពិតបាន?

ដើម្បីអាចសំរេចនូវភាពជោគជ័យនៃស្នេហាពិតបានត្រូវការកំម្លាំងជំរុញនៃស្នេហារវាងគ្នា ឆេះឡើងជាមួយគ្នាដោយភ្លើងក្ដៅគគុករោលរាលពេញខ្លួនប្រាណដែល គ្មានអ្វីអាចពន្លត់ឬបញ្ឍប់បានទេ ទោះជាទឹកសមុទ្រក៏មិនអាចបំបែកភ្លើងស្នេហ៍បានដែរ។ ស្នេហានោះជាស្នេហានៃភាពពេញវ័យគេធ្វើអ្វីគេមានការពិចារណាថ្លើងថ្លែងយ៉ាងស៊ីជំរៅណាស់មិនមែនដូចជាស្នេហាភ្លើងចំបើងដែលឆេះតែមួយភ្លែតរួចក៏រលត់បាត់នោះទេ គឺមានភាពរឹងមាំចេះរក្សានឹងការពារគ្នាទៅវិញទៅមកផ្ដល់តម្លៃ កត្តិយសភាពថ្លៃថ្នូរ ។

VI.     ទេវសាស្រ្ត

ព្រះជាម្ចាស់: ព្រះជាម្ចាស់: ទ្រង់តែងចំណាយទាំងកំម្លាំងនឹងបំណងព្រះហឬទ័យទុកដាក់ថែរក្សាចំពោះមនុស្សដែលទ្រង់មានសេចក្ដីស្រឡាញ់យ៉ាងជ្រាលជ្រៅដល់គេ គ្មានអ្វីដែលអាចបំផ្លាញភ្លើងស្នេហ៍របស់ទ្រង់មានចំពោះរាស្រ្តបានទេ(៦-៧)។ ដោយព្រោះសេចក្ដីស្រឡាញ់នឹងហើយបានជាទ្រង់មិនបានសំចៃទុកសូម្បីតែព្រះរាជបុត្រាទ្រង់តែមូយទ្រង់បានបញ្ជូនឲ្យមកផែនដី ដើម្បីថែរក្សាកាពារដឹកនាំមនុស្សឲ្យបានត្រឡប់មកក្នុងសេចក្ដីស្រឡាញ់ទ្រង់វិញ(យ៉ូហាន៣:១៦)។

មនុស្ស: គេព្យាយាមប្រើទ្រព្យសម្បត្តិដែលគេមានដើម្បីថែរក្សាមនុស្សជាទីស្រឡាញ់របស់គេឲ្យមានសុត្តិភាព សេចក្ដីសុខ មានសុភមង្គលហើយគេប្រាថ្នា ចង់បាននៅក្បែរនែបនឺតដោយភ្លើងស្នេហ៍របស់គេជាមួយគ្នា ក៏ឃើញភាពចាស់ចិត្តគំនិតខាងស្នេហា។ មនុស្សមិនដែលរក្សាសេចក្ដីស្នេហារបស់ពួកគេបានរហូតនោះទេ។ 

ភ្ជាប់ទៅសញ្ញាថ្មីនឹងព្រះគ្រីស្ទ:យើងឃើញពី ទំហំនៃសេចក្ដីស្រឡាញ់របស់ព្រះមានអំណាចខ្លាំងដូចជាសេចក្ដីស្លាប់ដែលចាក់ចូលទៅក្នុងជីវិតរបស់មនុស្សឲ្យទទួលយកសេចក្ដីស្រឡាញ់នោះសេចក្ដីស្រឡាញ់ទ្រង់ពិតជាគ្មានអ្វីប្រៀបផ្ទឹមស្មើបានទេ ហើយក៏អ្វីអាចបញ្ឍប់ទ្រង់មិនឲ្យស្រឡាញ់មនុស្សបានដែរ ទ្រង់សុខចិត្តលះបង់ព្រះជន្មទ្រង់សម្រាប់លាងអំពើបាបរបស់មនុស្សទាំងអស់ ទ្រង់ជាអ្នកផ្សៈផ្សាទំនាក់ទំនងស្នេហារវាងមនុស្សនឹងព្រះឡើងវិញ(កូល៉ុស១:២០)។ ព្រះអង្គបានធ្វើការជាច្រើនដែលបង្ហាញពីក្ដីស្រឡាញ់ទៅកាន់មនុស្សគ្រប់ជាតិសាសន៍។

VII.     អនុវត្តន៍

ក្នុងនាមយើងជាកូនព្រះអង្គយើងអាចឃើញក្ដីស្រឡាញ់របស់ទ្រង់ខ្លាំងខ្លាំបានគឺតាមរយៈការនៅជាប់ខ្ជាប់ខ្ជួនជាមួយព្រះហើយឥទ្ធិពលសេចក្ដីស្រឡាញ់របស់ព្រះជំរុញឲ្យទ្រង់ធ្វើការការលះបង់ព្រះជន្មសម្រាប់យើងជាមនុស្សមានបាបមិនសមទទួលការប្រោសលោះពីទ្រងសោះតែដោយព្រះគុណនឹងសេចក្ដីស្រឡាញ់ដ៏ធំឧត្តមជួយឲ្យយើងមានសេរីភាពរួចពីទោសកំហុស។ ព្រះអង្គជាព្រះដែលមិនដែលច

ឯសារយោង

1.    ព្រះគម្ពីរបរិសុទ្ធ

2.    ព្រះគម្ពីរសម្រាប់សិក្សា

3.    ស្ពានចម្លងអត្ថាធិប្បាយព្រះគម្ពីរសញ្ញាចាស់និងសញ្ញាថ្មី

4.    វចនានុក្រមសម្រាប់សិក្សាព្រះគម្ពីរ

5.    សៀវភៅគន្ថៈអធិប្បាយព្រះគម្ពីរ