ព្រះជាម្ចាស់ទ្រង់ជ្រាបដឹងអ្វីៗទាំងអស់ ទំនុកដំកើង​១៣៩:១-៦

សេចក្តីផ្តើម៖ មានក្រុមចោរមួយក្រុមបានចូលទៅប្លន់នៅក្នុងហានមាស់មួយកន្លែងនៅ

ប្រទេសឥណ្ឌា តែសំណាងល្អនៅក្នុងហាងនោះមានកាមេរ៉ាសុវត្ថិភាពចាប់បានរូបភាព ដូច្នេះត្រូវបានប៉ូលីសតាមចាប់បាន។

សង្ខេបបទគម្ពីរ៖ ព្រះជម្ចាស់ទ្រង់ជ្រាបដឹងពីអ្វីៗទាំងអស់ ទ្រង់ស្គាល់យើងច្បាស់ ហើយក៏មើលឃើញអ្វីៗទាំងអស់ដែរ ព្រោះព្រះតម្រិះរបស់ទ្រង់គឺខ្ពង់ខ្ពស់ណាស់។

សំនួរស្នូល៖ តើព្រះជាម្ចាស់ជ្រាបដឹងពីអ្វីខ្លះចំពោះពេលវេលារបស់មនុស្ស? ហើយមានអ្វីដែលជាភស្តុតាងបញ្ជាក់?

តួសេចក្តី៖

១. ព្រះអង្គជ្រាបដឹងពីអតីតកាល (ខ១-២)

- ព្រះអង្គទ្រង់ស្គាល់យើងច្បាស់ (ខ១)

- ទ្រង់មើលឃើញអ្វីៗទាំងអស់(ខ២)

ឧទាហរណ៍៖ ក្មេងម្នាក់ចង់លូចលុយម្តាយ តែត្រូវម្តាយដឹងមុន។

២. ព្រះអង្គជ្រាបដឹងពីបច្ចុប្បន្នកាល(ខ៣)

- ទ្រង់ពិនិត្យមើលការរស់នៅ និងពិនិត្យមើលការប្រព្រឹត្តទាំងឡាយរបស់យើង(ខ៣)

៣. ព្រះអង្គជ្រាបដឹងពីអនាគត់ (៤-៦)

- ទ្រង់ឆ្វេងយល់ពីគំនិតរបស់យើង (ខ៤)

- ទ្រង់ព័ទ្ធនៅជុំវិញយើង (ខ៥)

- ព្រះតម្រិះរបស់ទ្រង់គឺខ្ពង់ខ្ពស់ (ខ៦)

សេចក្តីបញ្ចប់៖

ព្រះជាម្ចាស់មានពេញដោយគំនិតប្រាជ្ញា ដែលហួសពីការពណ៌នារបស់មនុស្សយើងទៅទៀត។ ទ្រង់ជ្រាប ដឹងពីអ្វីៗទាំងអស់មុនពេលដែលយើងនិយាយចេញមកជាពាក្យសំដីម្លេះ គ្មានអ្វីដែលជាការលាក់កំបាំងនៅចំពោះទ្រង់នោះឡើយ ទាំងអតីតកាល បច្ចុប្បន្នកាល និងអនាគត់កាលដែរ។ ការជ្រាបដឹងរបស់ព្រះអង្គនោះល្អអស្ចារ្យជាងការស្មានរបស់មនុស្ស គ្មានការណាមួយដែលទ្រង់មិនជ្រាបដឹងនោះឡើយ ទ្រង់ ស្គាល់ពីជំរៅចិត្តមនុស្សម្នាក់ៗយ៉ាងច្បាស់។

ទេវសាស្ត្រ៖

ព្រះយេស៊ូវគ្រីស្ទទ្រង់ជ្រាបដឹងយ៉ាងច្បាស់ពីការរស់នៅរបស់មនុស្សយើង ព្រោះទ្រង់ផ្ទល់បានយក     និស្ស័យជាមនុស្ស  ហើយទ្រង់បានរស់នៅជាមួយមនុស្សយើង គ្មានការណាមួយដែលទ្រង់មិនដឹងនោះទេ             (យ៉ូហាន២:២៥)។

មនុស្ស៖ មនុស្សមិនបានដឹងពីចិត្តរបស់មនុស្សដូចគ្នាបានទេ ទោះអ្នកនោះល្អឬអាក្រក់។

អនុវត្តន៍៖

យើងគួរតែមានភាពស្ញប់ស្ញែងចំពោះព្រះអង្គ ដែលទ្រង់ដឹងច្បាស់អំពីយើងហើយ ទ្រង់នៅតែមាន ព្រះទ័យសប្បុរសនិងអត់ធ្មត់ចំពោះយើង។