ទំនាក់ទំនងល្អ ដែលព្រះជាម្ចាស់ប្រទានឲ្យ លោកុប្បត្តិ ១:២៦-៣១, ២:១៥-២៥

សេចក្តីផ្តើម៖

        មិនថានៅទីណា កន្លែងណានោះទេ មនុស្សទាំងអស់រមែងតែងតែចង់បាននូវទំនាក់ទំនង

ល្អជាមួយនឹងអ្នកដទៃផ្សេងទៀត។

សង្ខេបបទគម្ពីរ៖

បន្ទាប់ពីព្រះជាម្ចាស់ទ្រង់បានបង្កើតរបស់សព្វសារពើរួចមកនោះទ្រង់ក៏បានទតឃើញថាល្អ ទ្រងក៏បាន បង្កើតគេឡើងជាប្រុសជាស្រី ហើយទ្រង់ក៏បានប្រទានពរឲ្យដល់គេឲ្យបានបង្កើតកូនឲ្យបានពាស ពេញលើផែនដីចុះ។ ព្រះជាម្ចាស់បានទតឃើញថាល្អទ្រង់ក៏បានយកអ័ដាម ទៅដាក់នៅក្នុងសួនច្បារអេដែនឲ្យគាត់បានថែរក្សារបស់ទាំងអស់ដែលព្រះបានបង្កើតមក។ ទ្រង់ក៏មានបន្ទូលថាគាត់អាចបរិភោគគ្រប់ទាំងរបស់ដែលព្រះបានបង្កើតមកបានតាមចិត្ត តែឯដើមឈើ ដឹងខុសត្រូវ នោះមិនត្រូវឲ្យឯងបរិភោគឡើយ នោះនឹងត្រូវស្លាប់ជាមិនខាន។ ព្រះជាម្ចាស់ទ្រង់បាន ជ្រាបថាអ័ដាមដែលនៅតែម្នាក់ឯងនោះមិនស្រួលទេ ទ្រង់ក៏បង្កើតស្រ្តីម្នាក់ដើម្បីជាជំនួយដល់គាត់ រួចទ្រង់ក៏បានបង្កើតស្រ្តីចេញឆ្អឹងជំនីរបស់អ័ដាម ហើយដាក់ឈ្មោះថាអេវ៉ា ដើម្បីអោយគេមានទំនាក់ទំនងជាមួយគ្នា។

សំនួរស្នូល៖

តើព្រះបានរៀបចំទំនាក់ទំនងនោះយ៉ាងដូចម្ដេចខ្លះ ណាហើយតើមានភាពល្អប្រពៃយ៉ាង ណាដែរ?

តួសេចក្តី៖

1.   ទំនាក់ទំនងរបស់ព្រះចំពោះមនុស្ស ១:២៦-២៧,២:១៥-១៧

នៅក្នុងទី១នេះបាននិយាយអំពីទំនាក់ទំនងរវាងព្រះហើយនឹងមនុស្សដែលទ្រង់បានបង្កើត

2.   ទំនាក់ទំនងមនុស្សជាមួយនឹងរបស់សព្វសារពើ ១:២៨-៣១,២:១៩

ព្រះជាម្ចាស់ទ្រង់មិនត្រឹមតែបង្កើតឲ្យមានទំនាក់ទំនងរវាងអង្គទ្រង់ផ្ទាល់ជាមួយនឹងមនុស្សតែ ប៉ុណ្ណោះទេ តែព្រះជាម្ចាស់ទ្រង់បានបង្កើតឲ្យមនុស្សមានទំនាក់ទំនងរវាងមនុស្សនឹងរបស់សព្វ សារពើដែលទ្រង់បានបង្កើតមកដែរ។

3.   ទំនាក់ទំនងរវាបុរស នឹងស្រ្តី ២:១៨,ខ២០-២៤

គឺជាទំនាក់ទំនងរវាងមនុស្សហើយនឹងមនុស្ស គឺមនុស្សប្រុស(អ័ដាម) និងមនុស្សស្រី(អេវ៉ា)(១:២៨)។

សរុបសេចក្តីបញ្ចប់៖

ព្រះជាម្ចាស់ទ្រង់បានបង្កើតគ្រប់ទាំងរបស់ទាំងអស់មក ហើយព្រះជាម្ចាស់ទ្រង់បានរៀបចំឲ្យរបស់ទាំងអស់បានកើតមកហើយមានទំនាក់ទំនងជាមួយគ្នាទៅវិញ ទៅមកយ៉ាងល្អ។ ទីមួយយើង ទំនាក់ទំនងរវាងព្រះជាម្ចាស់នឹងមនុស្ស ទីពីរ ជាទំនាក់ទំនងរវាងមនុស្សនឹងរបស់សព្វ សារពើ ហើយទំនាក់ទំនងចុងក្រោយនោះគឺជាទំនាក់ទំនងរវាងមនុស្សហើយនឹងមនុស្ស (ប្រុស និងស្រី)។ នេះជាទំនាក់ទំនងមួយដែលវាមានសារៈសំខាន់ជាងគេដែលព្រះជាម្ចាស់ទ្រង់បានភ្ជាប់ជាមួយនឹង ព្រះពររបស់ទ្រង់ទៅកាន់មនុស្សទាំងអស់។

 ទេវសាស្ត្រ ៖

បើយើងសម្លឹងមើលអំពីព្រះជាម្ចាស់វិញយើងនឹងបានឃើញថាព្រះជាម្ចាស់ទ្រង់មានផែនការដ៏ល្អវិសេស ណាស់សម្រាប់ការគ្រប់គ្រងរបស់ដែលព្រះទ្រង់បានបង្កើតមក។ ព្រះជាម្ចាស់ទ្រង់ម្ម៉ត់ចត់ចំពោះ ព្រះរាជកិច្ចរបស់ទ្រង់ ព្រះទ្រង់ក៏ស្រឡាញ់ដល់អ្វីៗដែលទ្រង់បានបង្កើតមកជាខ្លាំងណាស់ ទោះជាទ្រង់ ជ្រាបដឹងមុនហើយថា ការទាំងនោះមិនបានដើរតាមផែនការរបស់ទ្រង់ដោយសារតែអំពើបាបក៏ដោយ តែព្រះជាម្ចាស់នៅតែមានវិធីដោះស្រាយការនោះបានយ៉ាងល្អ។

មនុស្ស៖

មនុស្សត្រូវតែមានទំនាក់ទំនងជាមួយព្រះ ដូចជាកូនមានទំនាក់ទំនងជាមួយឪម្តាយ និងជាមួយដល់មនុស្សផ្សេងៗទៀតដែរ។

អនុវត្តន៏៖

យើងបានដឹងពីកិច្ចការដែលព្រះជាម្ចាស់ទ្រង់បានធ្វើសំរាប់យើងហើយ ដូច្នោះយើងគួរតែអរព្រះគុណដល់ទ្រង់ ហើយត្រូវមានទំនាក់ទំនងជាមួយព្រះអង្គ មិនត្រូវដាច់ចេញពីទ្រង់ឡើយ ព្រោះព្រះអង្គបាន       បង្កើតអោយគេមានទំនាក់ទំនង។