ពួកជំនុំជាអ្នកដែលទទួលបានពរខាងឯវិញ្ញាណ (អេភេសូរ ១:៣-១៤)

                                 

I.សេចក្ដីផ្ដើម

       មុនពេលដែលខ្ញុំមករៀននៅសាលាព្រះគម្ពីរខ្ញុំធ្លាប់គិតថាជិវិតដែលរស់នៅមានន័យបំផុតគឺជាជិវិតដែលមានភាពជោគជ័យក្នុងការងារ មានគ្រួសារមួយដែលកក់ក្តៅ​ហើយក្តីស្រម៉ៃបានដូច

បំណង។ ហើយនៅពេលដែលខ្ញុំសម្រេចចិត្តឈប់ធ្វើការ មកបន្តការសឹក្សានៅសាលាព្រះគម្ពីរភ្នំពេញនោះចិត្តរបស់ខ្ញុំពេញទៅដោយការព្រួយបារម្ភចំពោះការផ្គត់ផ្គង់ ការបៀតបៀនពីក្រុមគ្រួសាររបស់ខ្ញុំ។ តែឥឡូវនេះខ្ញុំរៀនឆ្នាំទី៤ នៃសាលាព្រះគម្ពីរភ្នំពេញខ្ញុំបែរជាមានចិត្តអំណរជាខ្លាំង ហើយយល់ឃើញថាជិវិតរបស់ខ្ញុំពេញទៅដោយព្រះពរនិងព្រះគុណរបស់ព្រះជាម្ចាស់យ៉ាង់លើសលប់ គឺខ្ញុំជាមនុស្សវិសេសខ្លាំងណាស់ដែលព្រះបានជ្រើសរើសខ្ញុំអោយបានបម្រើដល់ទ្រង់។ ជាការពិតណាស់នៅក្នុងព្រះគម្ពីរអេភេសូរជំពូក១:៣-១៤ ក៏បាននិយាយពីពួកជំនុំនៃព្រះដែលទទួលបាននូវព្រះពរដ៏លើសលប់ខាងឯវិញ្ញាណ។ 

សំណួរស្នូល៖ ដូច្នេះហើយយើងនិងរៀនជាមួយគ្នាអំពីព្រះពរខាងឯវិញ្ញាណអ្វីខ្លះដែលពួកជំនុំនៃព្រះទទួលបាន?

 សង្ខេបបទគម្ពីរ៖ ព្រះជាម្ចាស់បានប្រទានព្រះពរខាងឯវិញ្ញាណដល់អ្នកជឿយ៉ាងលើសលប់ ដោយព្រះអង្គបានជ្រើសរើសយើងតាំងពីមុនកំណើតលោកិយម្ល៉េះ។ ហើយព្រះអង្គបានដៅចំណាំយើងជាកូនចិញ្ចឹមនៃទ្រង់ដោយសេចក្តីស្រឡាញ់ ព្រះអង្គបានប្រោសលោះយើងអោយរួចពីចំណងនៃអំពើបាបតាមរយះព្រះលោហិតដ៏ថ្លៃថ្លាបានអត់ទោសបាបដល់យើង។ មិនតែប៉ុណ្ណោះទ្រង់មានផែនការយ៉ាងពិសេសអោយយើងបានធ្វើការថ្វាយដល់ទ្រង់ ជាការថ្វាយសិរីល្អដល់ព្រះអង្គ។ យើងក៏បានទទួលនូវសេចក្តីសន្យានៃការបោះត្រាចំណាំដោយព្រះវិញ្ញាណបរិសុទ្ធ។

                                                                                                        ​ ​              

 រចនាសម្ព័ន្ធ

១.ជាអ្នកដែលព្រះបានជ្រើសរើស(ខ ៣-៤)                                                                

- ទ្រង់រើសយើងមកដោយសេចក្តីស្រលាញ់អោយបានបរិសុទ្ធនៅចំពោះទ្រង់ឥតមានកន្លែងបន្ទោស

២.បានការដៅទុកជាកូនចិញ្ចឹមតាមរយះព្រះយេស៊ូវគ្រីស្ទ(ខ៥-៦)

- ទ្រង់បានរើសយើងទុកជាមុនសំរាប់សរសើរពីព្រះគុណនៃទ្រង់    

                                        

៣.បានទទួលការអត់ទោសតាមរយះព្រះលោហិតរបស់ព្រះយេស៊ូវគ្រីស្ទ(ខ៧-១២)​       ​​               ​        

-ទ្រង់បានសង្រ្គោះយើងហើយបង្ហាញអោយយើងបានស្គាល់ទ្រង់     ​     ​      ​​​​ ​​  ​ ​       ​  ​​         ​   ​​​        ​​​  ​ ​ ​​​    ​ 

-យើងក្លាយជាកម្មសិទ្ធរបស់ទ្រង់និងជាទីសរសើរដល់ទ្រង់  ​       ​​ ​​​​​​​​​ ​​ ​          ​​​​ ​​​​ ​   ​             ​​​  ​​ ​​  ​   ​

៤.បានការដៅចំណាំពីព្រះវិញ្ញាណបរិសុទ្ធ(ខ៧-១២)

-ព្រះវិញ្ញាណជាទីបញ្ចាំចិត្ត និងជាកេរ្តិអាកររបស់យើង

II. ការកាត់ស្រាយ                                                                                          

១.ជាអ្នកដែលព្រះបានជ្រើសរើស (ខ ៣-៤)                                                                       

-ទ្រង់រើសយើងមកដោយសេចក្តីស្រលាញ់អោយបានបរិសុទ្ធនៅចំពោះទ្រង់ឥតមានកន្លែងបន្ទោសឧទាហរណ៏: ព្រះជាម្ចាស់មិនធ្វើការជ្រើសរើសដូចជាមនុស្សនោះទេ មនុស្សភាគច្រើនចូលចិត្តមើលតែសំបកខាងក្រៅហើយក៏អោយតម្លៃជាងចិត្តខាងក្នុង។ បើគេជ្រើសរើសយកគូអនាគតមកធ្វើជាប្រពន្ធភាគច្រើនគេជ្រើសយកនារីណាដែលស្អាត។                        ​     ​    

២.បានដៅទុកជាកូនចិញ្ចឹមតាមរយះព្រះយេស៊ូវគ្រីស្ទ(ខ៥-៦)

- ទ្រង់បានរើសយើងទុកជាមុនសំរាប់សរសើរពីព្រះគុណនៃទ្រង់                  ​​​​​       ​        ​​​​​​ ​​​​​​​  

 ឧទាហរណ៏: ការដែលក្លាយជាកូនចិញ្ចឹមនៃអ្នកមានស្តុកស្តម្ភមា្នក់នោះយើងមានអារម្មណ៏ថារំភើបជាខ្លាំងព្រោះឪពុករបស់យើងបានស្រលាញ់យើងហើយផ្គត់ផ្គង់ដល់ការរស់នៅរបស់យើងចុះទំរាំតែយើងក្លាយជាកូនចិញ្ចឹមរបស់ព្រះដែលជាស្តេចលើអស់ទាំងស្តេចនោះកាន់តែវិសេសបំផុតក្នុងជិវិត។

៣.បានទទួលការអត់ទោសតាមរយះព្រះលោហិតរបស់ព្រះយេស៊ូវគ្រីស្ទ(ខ៧-១២)                              

-ទ្រង់បានសង្រ្គោះយើងហើយបង្ហាញអោយយើងបានស្គាល់ទ្រង់                                                          

-យើងក្លាយជារបស់ផងទ្រង់ដែលបានទិញយើង និងជាទីសរសើរដល់ទ្រង់

 ឧទាហរណ៏: មានស្រ្តីម្នាក់បានយកខ្សែករដ៏មានតម្លៃទៅបញ្ចាំព្រោះតែនាងអត់លុយមើលជំងឺឪពុករបស់ខ្លួន ហើយថ្ងៃមួយមានបុរសម្នាក់បានយកលុយរបស់គាត់ទៅលោះយកខ្សែករនោះមកវិញ គាត់បានប្រគល់ខ្សែករនោះទៅអោយនាង។ ជាការពិតស្រ្តីម្នាក់នោះបានខ្សែករមកវិញដោយព្រោះតែបុរសដែលយកលុយខ្លួនទៅលោះមក។                   ​​​  ​​​​​    ​​             

៤.បានការដៅចំណាំពីព្រះវិញ្ញាណបរិសុទ្ធ(ខ៧-១២)

-ព្រះវិញ្ញាណជាទីបញ្ចាំចិត្ត                                                                              

ឧទាហរណ៏: មានគូស្នេហ៏មួយគូដែលស្រលាញ់គ្នាជាខ្លាំងពួកគេមានគំរោងនិងរៀបការជាមួយគ្នាបន្ទាប់ពីពួកគេរៀនចប់។ មានថ្ងៃមួយពួកគេបានជួបគ្នាហើយមានការពិបាកចិត្តជាខ្លាំងដោយព្រោះតែខាងប្រុសដែលជាគូកំណាន់ចិត្តនាងនិងទៅរៀនបន្តនៅស្រុកក្រៅចំនួន២ឆ្នាំ។ ពេលនោះបុរសដែលនិងទៅសិក្សាបន្តបានយករបស់បញ្ចាំចិត្តដល់នាងគឺជាចិញ្ជៀនដ៏ស្រស់ស្អាតមកបំពាក់ដល់នាងហើយនិយាយថាសូមអូនចាំបងហើយបងនិងត្រលប់មករៀបការជាមួយនិងអូន។                                          

III.សេចក្តីបញ្ចប់                                                                                  

សរុបសេចក្តីមក: យើងជាអ្នកជឿដែលបានទទួលនូវព្រះពរយ៉ាងច្រើនពីព្រះជាម្ចាស់ដោយព្រះអង្គបានជ្រើសរើសយើង ហើយបានដៅចំណាំយើងជាកូនចិញ្ចឹមនៃទ្រង់ មិនតែប៉ុណ្ណោះព្រះអង្គបានអត់ទោសអំពើបាបដល់យើង។ ព្រះអង្គក៏បានដៅចំណាំយើងដោយព្រះវិញ្ញាណបរិសុទ្ធ យើងពិតជាមានអភ័យឯកសិទ្ធយ៉ាងពិសេសបំផុតក្នុងការដែលរស់នៅក្នុងព្រះគុណនៃព្រះអង្គ ដែលយើងជាទីសរសើរពីសិរីរុងរឿងរបស់ព្រះ។                                          

-ព្រះជាម្ចាស់

         ​ព្រះជាម្ចាស់ទ្រង់ជាព្រះដែលគង់នៅអសកល្បទ្រង់បានជ្រើសរើសយើងតាំងពីមុនកំណើត លោកិយម៉្លេះទ្រង់មានផែនការសំរាប់មនុស្សទ្រង់បានផ្តល់ព្រះគុណដល់មនុស្ស(អេភេសូរ១:៤-១០)

- ព្រះគ្រីស្ទ

       ព្រះអង្គជាព្រះដែលបានអត់ទោសបាបតាមរយះព្រះលោហិតរបស់ទ្រង់​ អេភេសូរ១: ៧

 - មនុស្ស                                                                                                                        

មនុស្សជាស្នាព្រហស្ថដែលទ្រង់បានបង្កើត ពួកគេគ្មានសិទ្ធក្នុងការជ្រើសរើសេព្រះអង្គជាមុន តែដោយព្រះគុណនៃព្រះទើបគេបានសង្រ្គោះ គេមិនអាចពឹងលើការធ្វើល្អរបស់គេបាននោះទេ តែដោយសារព្រះលោហិតរបស់ព្រះយេស៊ូវគ្រីស្ទ                                   ​​​    ​     ​​​ ​​​​​​  ​​​  ​  ​​​   

ចំណុចអនុវត្តន៏    

                                                                                                                                                

     យើងជាអ្នកជឿជាអ្នកដែលបានទទួលពរពីព្រះជាម្ចាស់សូមអោយយើងបានពាំនាំនូវព្រះពរទាំនេះ

ទៅដល់អស់អ្នកដែលគេកំពុងតែត្រូវការដល់ព្រះអង្គជាអ្នកដែលជាប់ចំណងនៃលោកិយ ដោយយើងដឹងថាពីមុនមកយើងក៏ដូចជាពួកគេដែរ។