បេសកជនដែលរត់គេចពីបេសកកម្ម យ៉ូណាស ១:១-១៦

សេចក្តីផ្តើម៖មានក្មេងប្រុសម្នាក់ម្តាយប្រាប់ថា ឲ្យទៅឃ្លាលក្របី ហើយកុំរវល់លេង នោះក្មេង

ប្រុសនោះ មិនស្តាប់ តាមម្តាយប្រាប់ ហើយនឹងនាំមិត្តភក្តិលេង ឡើងដើមឈើ រហូតធ្លាក់ពីដើមឈើ ក្រេចឈើ ដើរមិនរូច ហើយក្របីដែលឃ្វាលក៏បានអស់ពីរក្បាលទៀត។

សង្ខេបបទគម្ពីរ៖

ពេលព្រះជាម្ចាស់បានបង្គាប់ដល់យ៉ូណាស ឲ្យទៅប្រកាស់ពីសេចក្តីជំនុំជំរះរបស់ព្រះដល់ក្រុងនីនីវ៉េ នោះគាត់មិនបានស្តាប់តាម នោះគាត់បានរត់គេចពីព្រះ ទៅក្រុងតើសីស។ តែព្រះជាម្ចាស់ធ្វើឲ្យមានព្យុះ ក្នុងដំណើរលើសមុទ្រដោយនាវានោះ មនុស្សក្នុងនាវាគេភ័យ តែយ៉ូណាសធ្វើមិនដឹង ក៏មិនសូមដល់ព្រះ ដែរ។ ពេលគេរកឃើញថារឿងកើតពីយ៉ូណាស នោះគាត់សារភាព ហើយឲ្យគេទំលាក់គាត់ក្នុងសមុទ្រ ដើម្បីដោះស្រាយបញ្ហា។

សំនួរស្នូល៖ ហេតុអ្វីបានជាបេសកជនយ៉ូណាសរត់គេចពីបេសកកម្មនៃការត្រាស់របស់ព្រះ? តើព្រះ មានផែនការណ៍យ៉ាងដូចម្តេចចំពោះអ្នកដែលទ្រង់ត្រាស់ហៅ តែគេបានរត់គេច?

ចំនុចកាត់ស្រាយ

I. បេសកជនដែលមិនស្តាប់បង្គាប់ដល់ព្រះជាម្ចាស់ (១:១-៣)

យ៉ូណាសគាត់មិនស្តាប់បង្គាប់ព្រះជាម្ចាស់ឲ្យទៅនីនីវ៉េ គាត់ធ្វើតាមគំនិតខ្លួនឯង នឹងបានរត់គេចពីព្រះ។ មានមូលហេតុមួយដែលធ្វើឲ្យយ៉ូណាស់មិនទៅនីនីវ៉េ គឺនីនីវ៉េគេជាសាសន៍ដទៃ ហើយគាត់មិនចង់ឲ្យគេ បានទទួលការប្រោសលោះ ពេលគេទទួលគាត់ខឹង (៤:១) គាត់មិនចង់ចែកព្រះពរឲ្យអ្នកដទៃឡើយ។

ឧ/. បុរសនេសាទម្នាក់ ពេលគាត់រកត្រីបានច្រើនក្នុងបឹងមួយ ហើយគាត់មានបាន នោះមានគេ មកសុំនេសាទដែរ នោះគាត់មិនឲ្យគេនេសាទឡើយ ខ្លាចអស់ត្រីក្នុងបឹងនោះ អាត្មានិយម។

II. លទ្ធិផលនៃការមិនស្តាប់បង្គាប់ព្រះ (១:៤-១៦)

១. ព្រះជាម្ចាស់ធ្វើឲ្យមានខ្យល់ព្យុះ (ខ ៤- ៦)៖ ដោយសារការមិនស្តាប់បង្គាប់ ហើយរត់គេច នោះព្រះ បានធ្វើឲ្យមានព្យុះយ៉ាងខ្លាំងបោកបក់លើនាវា ធ្វើឲ្យមនុស្សដែលមិនអីគេភ័យដោយសារបាបយ៉ូណាស់។

ឧ/. ស្តាប់បង្គាប់ទទួលព្រះពរ មិនស្តាប់បង្គាបទទួលបណ្តាសារ (ចោទិ. ១៣:១៥-១៩)។

២. ការសារភាពអំពើបាបរបស់យ៉ូណាស (ខ ៧-១៦)៖ នៅពេលដែលគេរកឃើញថាកំហុសមកពីយ៉ូ ណាស់ នោះគាត់សារភាព ហើយសំរេចចិត្តឲ្យគេបោះចូលក្នុងសមុទ្រ នោះពួកគេក៏រួចជីវិត។ ផែនការ របស់ព្រះសំរាប់អ្នកដែលរត់គេច គឺព្រះអង្គហៅគេមកវិញ គឺគេចមិនអាចគេចបានឡើយ។

ឧ/. លទ្ធិផលមិនគោរពរូបព្រះសាដ្រាក ម៉ៃសាក់ នឹងអបីនីកោត្រូវគេបោះចោលក្នុងគុងភ្លើង(ដានី.៣:20)

III. សរុបសេចក្តី

ការរត់គេចពីព្រះជាម្ចាស់របស់យ៉ូណាស នោះបាននាំការលំបាកដល់គាត់ ហើយក៏បង្កឲ្យអ្នកផ្សេង ទៀតដែលមិនដឹងអីគេរង់ទុក្ខជាមួយ គាត់មានគំនិតអាត្មានិយមលើនីនីវ៉េជាសាសន៍ដទៃ មិនចង់ឲ្យគេ ទទួលការប្រោសលោះដែរ ចង់ក្តោបព្រះពរម្នាក់ឯង។ តែគាត់រត់គេចពីព្រះភ័ក្រ្ករបស់ព្រះមិនបានសំរេច ទេ ព្រោះទ្រង់គង់គ្រប់កន្លែង។ ទ្រង់ឲ្យមានព្យុះជាធំលើនាវា មនុស្សក្នុងនាវាគេបានរកឃើញថាយ៉ាង ណាសជាអ្នកមានកំហុស នោះគេអាណិតដោយមិនចង់សំឡាប់យ៉ូណាសដោយទំលាក់ទឹកទេ តែគ្មាន ជំរើនោះគេក៏ទំលាក់។ បើព្រះមានផែនការប្រើគាត់ នោះគាត់មិនអាចនឹងរត់បានទេទោះទៅទីណាក្តី។

IV.ទេវសាស្រ្ត

ព្រះជាម្ចាស់ជាម្ចាស់លើរបស់ទាំងអស់ ដោយសាររបស់ទាំងនោះទ្រង់បង្គើមមក (លោកុ ១:១-៣១)។ ទ្រង់ស្រលាញ់មនុស្សទាំងអស់មិនមែនតែអ៊ីស្រាអែលឡើយ សាសន៍ដទៃក៏ទ្រង់ចង់ឲ្យបានសង្រ្គោះដែរ។ ឯព្រះយេស៊ូវវិញទ្រង់ក៏មានអំណាចលើគ្រប់ទាំងអស់ដែរ (ម៉ាកុស ៤:៣៦-៣៧; លូកា ៨:២៣) ព្រះអង្គ មិនដែលគេចពីបេសកកម្មឡើយ ទោះបីលំបាកក៏ដោយ ហើយទ្រង់ស្រលាញ់មនុស្សគ្រប់គ្នា នឹងចង់ឲ្យ គេមានជីវិតអស់កល្ប(យ៉ូន ៣:១៦: លូកា ៦:៣៥) ។ តែមនុស្សវិញគេតែងតែរងរត់គេចពីការរបស់ព្រះ ពីការផ្សាយដំណឹងល្អរបស់ព្រះ គេអើសអើងគ្នាមិនចង់ឲ្យរបស់ល្អដល់អ្នកណាឡើយពិសេសសត្រូវ។

V.ការអនុវត្តន៍

ក្នុងនាមខ្ញុំ នឹងពួកជំនុំយើងជាអ្នកបំរើព្រះយេស៊ូវ នោះយើងមិនគួររត់គេចពីព្រះជាម្ចាស់ឡើយ តែផ្ទុយ ទៅវិញគឺត្រូវស្តាប់បង្គាប់ព្រះ កុំរត់ព្រោះកាន់តែរត់កាន់តែជួប ព្រោះព្រះគង់នៅគ្រប់កន្លែង។ ហើយបើ រត់គេចពីបញ្ហា នោះទ្រង់នឹងឲ្យបញ្ហាកាន់តែធំទៀតដូចករណីយ៉ូណាសជាដើម។ យើងមិនត្រូវមានគំនិត អាត្មានិយមដូចជាយ៉ូណាស់ចង់ក្តោបព្រះពរតែឯង មិនចែកអ្នកដទៃឡើយ។ ត្រូវស្រលាញ់អ្នកដទៃដូចជា ស្រលាញ់គ្នាឯង(ម៉ាថ.២២:៣៨)។