លក្ខណ:នៃភាពជាស្រ្តីគ្រប់លក្ខណ: តាមព្រះគម្ពីរ សុភាសិត៣១:១០ - ៣០

សេចក្តីផ្តើម: មានរឿងខ្មែរមួយគឺ ស្រីគ្រប់លក្ខណ៍ និងស្រីខាតលក្ខណ៍ និយាយពីស្រីគ្រប់លក្ខណ៍
នាងជាស្រីដែលល្អ គ្រប់សព្វមិន ប្រកាន់ខ្លួនរើសអើងការងាឡើយ នាងជាប្រពន្ធដ៏ល្អដល់ប្តី និងជាម្តាយល្អដល់កូនផង ដែលបាននាំឲ្យគ្រួសារុងរឿង សុខសាន្តដោយសានាង ដែលផ្ទុយពីស្ត្រីខាតលក្ខណ៍ ដែលមិនចេះធ្វើអី ក្រៅពីតែងខ្លួន ឆ្លុះកញ្ចក់ផ្អៀងផ្អងមិនឈប់ទេ។

· សំនួរស្នូល: តើក្នុងព្រះគម្ពីរចែងថា ស្រ្តីបែបណា ជាស្ត្រីគ្រប់លក្ខណ៍?

· សង្ខេបបទគម្ពីរ:

ស្រ្តីគ្រប់លក្ខណ៍ជាស្ត្រីដែលពិបាកនិងរកបាន នាងមានតម្លៃជាងត្បូងទទឹមទៅទៀត នាងធៀបដូចជានាវាដឹកទំនិញ នាងតែងគិតគួនិងផ្គត់ផ្គង់ដល់គ្រូសាមិនខ្ជិលច្រអូសម្តងណាឡើយ ។នាងនឹងនាំឲ្យគ្រូសាទាំងមូលបានក្តិយស មានគេសរសើរដោយសានាង។

· រចនាសម្ពន្ធ័

1. គុណតម្លៃនៃ ស្រ្តីគ្រប់លក្ខណ៍(៣១:១០-១២)

2. ឥរិយាបថនៃស្ត្រីគ្រប់លក្ខណ៍(៣១: ១៣- ២៩)

· តួសេចក្តី:

1. គុណតម្លៃនៃស្រ្តីគ្រប់លក្ខណ៍(៣១:១០-១២)

ស្រ្តីគ្រប់លក្ខណ៍ជាស្រ្តីដែលពិបាករកបាន មានតម្លៃជាងត្បូងទទឹម នាំមកនូវសេចក្តីបរិបូណ៍ដែលជាទីទុកចិត្តដល់ប្តី។ គឺប្តីនិងបានសេចក្តីល្អអស់ពេញមួយជីវិតដោយសានាង។

2. ឥរិយាបថ នៃស្រ្តីគ្រប់លក្ខណ៍ (៣១: ១៣-២៩)

នាងជាស្ត្រីដែលកោតខ្លាចព្រះ នាងតែងតែក្រោបពីព្រលឹមចាត់ចែងកិច្ចការទាំងក្នុងនិងក្រៅផ្ទះយ៉ាងម៉ត់ចត់។ មានចិត្តសប្បុរស ជួយដល់អ្នកក្រីក្រ នាងពេញដោយប្រាជ្ងាអណ្តាតនាង ពោលតែសេចក្តីល្អៗ។

· សេចក្តីបញ្ចាប់:

បើមានតែរូបឆោមឆាយ តែខ្វះប្រាជ្ញា និងសេចក្តីកោតខ្លាចព្រះនោះ ជាការអត់ប្រយោជន៍ទទេៗ ។ស្រ្តីគ្រប់លក្ខណមិនមែនសំដៅទៅលើតែសំបកខាងក្រៅ ដែលមានសម្រស់ស្រស់ស្អាតនោះទេ។ តែផ្ទុយទៅវិញជាការសំខាន់បំផុតគឺការកោតខ្លាចដល់ព្រះ និងនាំយកសេចក្តីល្អ ដល់គ្រួសា ផ្ទះសំបែង។

· ផ្នែកទេវសាស្រ្ត:

-ព្រះជាម្ចាស់ :

ព្រះជាម្ចាស់ទ្រង់គ្រប់លក្ខណ៍ មានតែមួយ មិនអាចរកបានផ្សេងទៀតឡើយ។

-ព្រះយេស៊ូវគ្រីស្ទ:

ទ្រង់ល្អ ស្តាប់បង្គាប់ព្រះជាម្ចាស់ ដ៏គ្រប់លក្ខណ៍។

-មនុស្ស:

គ្មានអ្នកណាម្នាក់សុចរិតសោះសូម្បីតែម្នាក់ក៏គ្មានផង ។

· ការអនុវត្តន៍:

ត្រូវកោតខ្លាចព្រះ ស្តាប់បង្គាប់តាមទ្រង់មានសេចក្តីឧស្សាហ៍ព្យាយាមដើរតាមព្រះបន្ទូលទ្រង់ ។