ព្រះបន្ទូលដែលត្រលប់ជាសាច់ឈាម យ៉ូហាន ១:១-១៨

សេចក្ដីផ្ដើម

            បើសិនជាយើងចង់ទៅអាមេរិក ឬកាណាដា វាមិនមែនជាការងាយស្រួលនោះទេ បើសិនជាយើងមិនស្គាល់អ្នកនៅអាមេរិក ឬកាណាដា ដូច្នេះបើសិនជាយើងទៅស្ថានសួគ៌នោះយើងមិន

អាចទៅបានដោយខ្លួនឯងបានឡើយ ទាល់តែមានម្នាក់មកពីស្ថានសួគ៌នាំទៅទើបយើងអាចទៅ ដូច្នេះព្រះយេស៊ូវទ្រង់មកដើម្បីនាំមនុស្សទៅស្ថានសួគ៌។

សង្ខេបអត្ថបទគម្ពីរៈ ព្រះជាម្ចាស់ទ្រង់បានបង្កើតគ្រប់ទាំងអស់ដោយសារព្រះបន្ទូលរបស់ព្រះជាម្ចាស់ ហើយព្រះបន្ទូលនោះគឺជា ព្រះដ៏នៅអស់កល្បជានិច្ច។ លោកយ៉ូហានបាបទីស្ទបានមកដើម្បីធ្វើបេសកកម្ម តែគាត់មិនមែនជាពន្លឺលោកិយនោះទេ ពន្លឺលោកិយដ៏ពិតប្រាកដនោះគឺជា ព្រះបន្ទូលដែលត្រលប់មកជាសាច់ឈាម។

សំនួរស្នូលៈ តើព្រះបន្ទូលដែលត្រលប់ជាសាច់ឈាមមានសារៈសំខាន់យ៉ាងដូចម្ដេច?

តួសេចក្ដី

   ក. ព្រះបន្ទូលជាព្រះ (ខ១-៥)

·         ព្រះបន្ទូលជាព្រះដ៏នៅអស់កល្បជានិច្ច(ខ១-២)

·         ព្រះបន្ទូលជាព្រះអទិករដែលបង្កើតគ្រប់ទាំងអស់មក(ខ៣)

·         ព្រះបន្ទូលមានជីវិតដែលជាពន្លឺបំភ្លឺដល់មនុស្សលោក(ខ៤)

·         ភាពងងឹតមិនយល់ដល់ពន្លឺនៃព្រះបន្ទូលបានឡើយ(ខ៥)

o   ឧទាហរណ៍ រឿង”ការបង្កើតរបស់ព្រះជាម្ចាស់​”ព្រះជាម្ចាស់ទ្រង់បង្កើតគ្រប់ទាំងអស់ គឺទ្រង់បង្កើតដោយសារព្រះបន្ទូលរបស់ទ្រង់(លោកុប្បត្តិ១:១-៣១)

  ខ. បេកកម្មនៃព្រះបន្ទូល(ខ៦-១៣)

·         លោកយ៉ូហានបាបទីស្ទមិនមែនជាពន្លឺនោះទេ ប៉ុន្តែជាអ្នកធ្វើបន្ទាល់នៃពន្លឺ(ខ៦-៨)

·         បេសកកម្មនៃព្រះបន្ទូលគឺមកធ្វើជាពន្លឺ(ខ៩-១០)

·         ទ្រង់យាងមកដើម្បីអោយអ្នកដែលជឿព្រះអង្គបានត្រលប់ជាកូនព្រះ(ខ១១-១៣)

  គ. ព្រះបន្ទូលបានត្រលប់ជាសាច់ឈាម( ខ១៤-១៨)

·        ព្រះបន្ទូលបានត្រលប់ជាសាច់ឈាម និងស្នាក់នៅជាមួយមនុស្ស ទ្រង់គឺជា សិរីល្អនៃព្រះវរបិតា (ខ១៤)

·        ព្រះបន្ទូលគឺជា ព្រះយេស៊ូវគ្រីស្ទដែលមានពេញដោយព្រះគុណ(ខ១៥-១៧)

·        ព្រះយេស៊ូវទ្រង់ជាអ្នកដែលស្គាល់ព្រះវរបិតា(ខ១៨)

o   ឧទាហរណ៍ ព្រះយេស៊ូវប្រៀបដូចអនិកជនដែលមកពីអាមេរិក ឬកាណាដានាំមនុស្សដែលមិនស្គាល់អាមេរិក ឬកាណាដាទៅរស់នៅទីនោះ ព្រះយេស៊ូវគឺជា ម្ចាស់ស្ថានសួគ៌ដែលនាំមនុស្សអោយទៅនគរស្ថានសួគ៌។

សេចក្ដីបញ្ចប់

សរុបសេចក្ដីៈ ព្រះបន្ទូលរបស់ព្រះជាម្ចាស់ទ្រង់ជាអទិករដែលមកយកកំណើតជាមនុស្ស មានសាច់ឈាម ដើម្បីនាំមនុស្សទៅឯព្រះវរបិតាវិញ។

ទេវសាស្រ្តៈ

ព្រះជាម្ចាស់ៈ ព្រះជាម្ចាស់ទ្រង់គឺជា ព្រះអទិករដែលបង្កើតគ្រប់របស់ទាំងអស់មក ទ្រង់បង្កើតមកដោយព្រះបន្ទូលរបស់ទ្រង់ ហើយទ្រង់ក៏ចាត់ព្រះបន្ទូលទ្រង់អោយមកធ្វើបេសកកម្មក្នុងការសង្រ្គោះមនុស្សជាតិ ដោយការយកនិស្ស័យជាសាច់ឈាម។

ព្រះគ្រីស្ទវិទ្យាៈ ព្រះយេស៊ូវទ្រង់គឺជា ព្រះបន្ទូលរបស់ព្រះវរបិតា ទ្រង់គឺជា ព្រះអទិករដែលបង្កើតគ្រប់របស់ទាំងអស់មក។ ទ្រង់យាងមកផែនដីដើម្បីសង្រ្គោះមនុស្សដែលមានជំនឿទៅលើព្រះអង្គ(អេភេសូ២:៨-៩) ការសុគតនៅលើឈើឆ្កាង និងការរស់ឡើងគឺជា បេសកកម្មដ៏ល្អឥតខ្ចោះរបស់ព្រះអង្គ។

មនុស្សៈ មនុស្សតែងតែមានអំនួត ហើយមិនចង់បន្ទាបខ្លួនក្នុងការធ្វើបេសកកម្មជាមួយអ្នកក្រីក្រនោះទេ គេមិនបានយកគំរូពីព្រះយេស៊ូវគ្រីស្ទសម្រាប់ការអនុវត្តសព្វថ្ងៃនោះទេ។

អនុវត្តន៍ៈ ព្រះយេស៊ូវទ្រង់បានយាងមកដើម្បីធ្វើបេសកកម្ម ហើយទ្រង់ក៏បានបញ្ជូនយើងរាល់គ្នាដែលជាអ្នកជឿព្រះអង្គអោយធ្វើបេសកកម្មថ្វាយព្រះអង្គដែរ(យ៉ូហាន២០:២១, ម៉ាថាយ២៨:១៨-២០)។