ព្រះវិញ្ញាណបរិសុទ្ធប្រទានអំណាចក្នុងការធ្វើបេសកកម្ម (កិច្ចការ២:១-១៣)

I.សេចក្ដីផ្ដើម

ប្រហែលជាឆ្នាំ២០០២ មានដំណឹងមួយដែលបានប្រកាសប្រាប់ទូទាំងស្រុកបាភ្នំពីវត្តមាននៃ សម្តេចហ៊ុនសែនដែលជាប្រមុខនៃរាជរដ្ឋាភិបាលរាជាណាចក្រកម្ពុជាដែលនិងមកសួរសុខទុក្ខដល់ប្រជាពលរដ្ឋ។ ខ្ញុំ

នឹកចាំថាអ្នកភូមិរបស់ខ្ញុំតែងតែជុំគ្នានិយាយពីថ្ងៃនោះមកដល់ថានិងធ្វើដំណើរយ៉ាងម៉េច ហើយពេលដែលទៅថ្ងៃនោះត្រូវចាំគ្នាមិនទៅចោលគ្នាទេ។ អ្នកភូមិបានរង់ចាំថ្ងៃនោះមកដល់ ហើយពួកគេបានទៅទីកន្លែងដែលសម្តេចនិងមកតាំងពីព្រលឹម ហើយរង់ចាំនៅទីនោះ។ ខ្ញុំក៏បានទៅជាមួយនិងលោកឪពុករបស់ខ្ញុំផងដែរ ពេលដែលទៅដល់ខ្ញុំឃើញមានមនុស្សច្រើនមែនទែន ដែលភាគច្រើនជាមនុស្សចាស់ៗដែលខ្ញុំមិនដែលស្គាល់។ ខ្ញុំចាំបានទៀតថាសម្តេចហ៊ុនសែនមិនបានមកពីព្រលឹមឡើយគឺជិតថ្ងៃត្រង់ឯណោះ ទើបសម្តេចបានមកដល់។ ពេលនោះមនុស្សម្នាមានការអត់ធ្មត់ក្នុងការរង់ចាំយ៉ាងយូ តែពួកគេមិនបានទៅផ្ទះនោះទេ ដោយគេជឿថាសម្តេចនិងមកជាប្រាកដ។ ត្រង់កន្លែងនេះយើងមើលឃើញពីការរង់ចាំរបស់ពួកគាត់ ដែលស្រដៀងគ្នានិងពួកសិស្សរបស់ព្រះយេស៊ូវដែលព្រះអង្គបានសន្យាថានិងចាត់ព្រះវិញ្ញាណបរិសុទ្ធអោយមកគង់នៅជាមួយនិងពួកគេ ដូច្នេះហើយពួកសិស្សទ្រង់បានរង់ចាំ ហើយជាពិតប្រាកដនៅក្នុងកិច្ចការជំពូក២:១-១៣នេះបាននិយាយពីវត្តមាននៃព្រះវិញ្ញាណបរិសុទ្ធដែលបានយាងមកនៅថ្ងៃបុណ្យទី៥០។

សំណួរស្នូល៖ ដូច្នេះហើយយើងនិងមើលជាមួយគ្នាថាតើមានអ្វីបានកើតឡើងខ្លះ នៅពេលដែលមានការយាងមកនៃព្រះវិញ្ញាណបរិសុទ្ធ? ហើយវត្តមាននៃព្រះវិញ្ញាណបរិសុទ្ឋបានបញ្ជាក់យ៉ាងដូចម្តេចខ្លះដល់ពួកសិស្សដែលកំពុងតែរង់ចាំ?

សង្ខេបបទគម្ពីរ៖ ព្រះយេស៊ូវគ្រីស្ទបានផ្តាំដល់ពួកសិស្សទ្រង់អោយពួកគេបានរង់ចាំវត្តមាននៃព្រះវិញ្ញាណបរិស្ឋព្រះអង្គឃាត់ពួកគេមិនអោយចេញពីក្រុងយេរូសាឡឹមឡើយ។ ព្រះអង្គមានបន្ទូលសន្យាដល់ពួកសិស្សទ្រង់ថានៅពេលដែលព្រះវិញ្ញាណបរិសុទ្ធបានយាងមកសណ្ឋិតលើរូបគេ នោះពួកគេនិងមានអំណាចក្នុងការបំពេញពន្ធ័កិច្ចថ្វាយដល់ព្រះអង្គ។ ជាពិតប្រាកដនៅថ្ងៃបុណ្យទី៥០ គឺកំពុងតែគេប្រជុំគ្នានោះស្រាប់តែមានវត្តមាននៃព្រះវិញ្ញាណបរិសុទ្ឋបានយាងមកសណ្ឋិតលើគេគ្រប់គ្នាយ៉ាងអស្ចារ្យ ហើយពួកគេបានពេញដោយព្រះវិញ្ញាណក៏បានទទួលនូវអំណោយទានក្នុងការនិយាយភាសាដ៏ទៃរៀងៗខ្លួន។ ពួកគេក៏ចាប់តាំងអធិប្បាយជាភាសាដែលអ្នកស្តាប់អាចស្តាប់តាមភាសារបស់គេបាន ហើយគេនឹកអស្ចារ្យក្នុងចិត្តជាខ្លាំង។

រចនាសម្ព័ន្ធ

១. ការយាងមកនៃព្រះវិញ្ញាណបរិសុទ្ធនៅថ្ងៃបុណ្យទី៥០ ( ខ១-៤)

- លក្ខណះនៃការយាងមកនៃព្រះវិញ្ញាណបរិសុទ្ធ (ខ ១-៣)

- ការយាងមកបំពេញនិងប្រទានទៅតាមអំណោយទាន(ខ៤)

២.អំណាចដ៏អស្ចារ្យនៃព្រះវិញ្ញាណបរិសុទ្ធបំពេញដល់ពួកសិស្ស (ខ៥-១៣)

-ពួកសិស្សអធិប្បាយជាភាសាផ្សេងៗ (ខ៥-៦)

-ព្រះបានប្រើប្រទានអំណោយទានជាការថ្វាយសិរីល្អដល់ទ្រង់(ខ៧-១៣)

II. ការកាត់ស្រាយ

១. ការយាងមកនៃព្រះវិញ្ញាណបរិសុទ្ធនៅថ្ងៃបុណ្យទី៥០ ( ខ១-៤)

- លក្ខណះនៃការយាងមកនៃព្រះវិញ្ញាណបរិសុទ្ធ (ខ ១-៣) : ព្រះជាម្ចាស់មានបន្ទូលសន្យាថាទ្រង់នឹងចាត់វិញ្ញាណរបស់ទ្រង់ទៅលើគ្រប់ទាំងមនុស្ស ហើយគេនឹងបានឃើញការជាក់ស្ដែងពីលក្ខណះដែលសំដែងការអស្ចារ្យពីលើមេឃមានខ្យល់បក់គំហុក និងមានអណ្តាតភ្លើងផង(យ៉ូអែល២:២៨-៣២)

-ការយាងមកបំពេញនិងប្រទានទៅតាមអំណោយទាន(ខ៤): ការដែលបានទទួលព្រះវិញ្ញណមកបំពេញហើយក៏បានទទួលពីព្រះជាម្ចាស់ដោយការប្រើទៅតាមអំណោយទានដែលខ្លួនមាន(១កូរិនថូស១៤:១៣-១៩)

ឧទាហរណ៏: កាលពីសប្តាហ៏មុននេះមានក្រុមសរសើរតម្កើងព្រះមួយក្រុមដែលមកពីប្រទេសហុងកុង ពួកគេបានមកធ្វើកម្មវិធីប្រគុំតន្រ្តីមួយនៅព្រះវិហារគ្រីស្តបរិសទ័ភ្នំពេញ។ក្រុមរបស់ពួកគេមានគ្នា៨នាក់ ដែលពួកគេមានអំណោយទានខុសៗគ្នាមានអ្នកខ្លះលេងស្គរ លេងហ្គីតាបាស លេងអក អ្នកច្រៀង ហើយនិង គ្រូអធិប្បាយ ពួកគេបានប្រើនូវអំណោយទានខុសគ្នារបស់ពួកគេក្នុងការបម្រើព្រះជាម្ចាស់។

២.អំណាចដ៏អស្ចារ្យនៃព្រះវិញ្ញាណបរិសុទ្ធបំពេញដល់ពួកសិស្ស (ខ៥-១៣)

-ពួកសិស្សអធិប្បាយជាភាសាផ្សេងៗ (ខ៥-៦)

-ព្រះបានប្រើអំណោយទានជាការថ្វាយសិរីល្អដល់ទ្រង់(ខ៧-១៣)

ឧទាហរណ៏: មានក្មេងប្រុសម្នាក់គាត់ជាអ្នកដែលជឿលើព្រះហើយគាត់មានបញ្ហាស្វិតជើងមិនអាចដើររួច ដូច្នេះហើយគាត់ត្រូវការរទេះរុញក្នុងជួយដល់គាត់ពេលទៅណាមកណា ហើយគាត់បានទៅរៀននៅសាលាសំរាប់ជនពិការ ដែលធ្វើអោយគាត់ដឹងពីរបៀបទំនាក់ទំនងជាមួយនិងជនពិការ។ មានថ្ងៃមួយលោកគ្រូគង្វាលចង់នាំដំណឹងល្អដល់ជនពិការដែលពួកគេអាចស្តាប់ព្រះបន្ទូលបាន។ ក្មេងប្រុសម្នាក់នោះបានជួយដល់លោកគ្រូក្នុងការផ្សាយដំណឹងល្អពីព្រះយេស៊ូវគ្រីស្ទ។ ហើយនៅថ្ងៃនោះមានជនពិការប្រហែលជាជិតដប់អ្នកដែលពួកគេបានថ្វាយខ្លួនទទួលជឿលើទ្រង់។ ត្រង់សាច់រឿងនេះបានប្រាប់ពីអំណោយទានដ៏ពិសេសរបស់ក្មេងប្រុសម្នាក់នេះដែលអាចធ្វើការថ្វាយដល់ព្រះបាន។

III.សេចក្តីបញ្ចប់

សរុបសេចក្តីមក: យើងឃើញថាសេចក្តីសន្យារបស់ព្រះគ្រីស្ទពិតជាបានកើតឡើងយ៉ាងពិតប្រាកដមែនគឺវត្តមាននៃព្រះវិញ្ញាណបរិសុទ្ធបានយាងមកក្នុងលក្ខណះជាខ្យល់បក់យ៉ាងខ្លាំង និងមានភ្លើងលេចចេញមកអោយពួកសិស្សបានឃើញ។ ព្រះវិញ្ញាណបានយាងមកបំពេញដល់ពួកគេហើយក៏ប្រទាននៅអំណោយទានអោយគេបានអធិប្បាយតាមភាសាផ្សេងៗ ដែលធ្វើអោយបណ្តាជនមានការអស្ចារ្យក្នុងចិត្តជាខ្លាំង។

-ព្រះជាម្ចាស់  

ព្រះជាម្ចាស់ទ្រង់មានផែនការប្រោសលោះដល់មនុស្សព្រះអង្គចង់អោយមនុស្សគ្រប់ទាំងជាតិសាសន៏បានលឺដំណឹងល្អទ្រង់ ព្រះអង្គជាព្រះដែលមានគ្រប់ទាំងអំណាចព្រះចេស្តាទ្រង់គង់ជាមួយហើយប្រទានអំណាចដល់គេក្នុងការបំពេញពន្ធ័កិច្ចថ្វាយដល់ទ្រង់

- ព្រះគ្រីស្ទ ព្រះយេស៊ូវគ្រីស្ទទ្រង់មានអំណាចក្នុងការរស់ពីការសុគតហើយព្រះអង្គបានបំពេញពន្ធ័កិច្ចរបស់ទ្រង់បានចប់សព្វគ្រប់ តែទ្រង់មានសេចក្តីស្រឡាញ់ដល់មនុស្សគ្រប់គ្នាបានជាទ្រង់សន្យាដល់ពួកគេអោយពួកគេមានចិត្តក្លាហានក្នុងការធ្វើការបន្តនៅមហាបេសកកម្មរបស់ទ្រង់ ព្រះអង្គជ្រាបពីតំរូវការរបស់មនុស្ស ថាមនុស្សត្រូវការកម្លាំងនិងជំនួយពីទ្រង់(កិច្ចការ១:៨)។ - មនុស្ស

មនុស្សមានភាពទន់ខ្សោយ ហើយតែងតែបាក់ទឹកចិត្ត គឺគេត្រូវការកម្លាំងចិត្តក្នុងការធ្វើការអ្វីមួយ។ មនុស្សមិនអាចធ្វើអ្វីបានដោយគ្មានកម្លាំងពីព្រះនោះទេ គេត្រូវការព្រះត្រូវការអំណាចព្រះចេស្តារបស់ទ្រង់មកបំពេញដល់ពួកគេ។

ចំណុចអនុវត្តន៏

យើងត្រូវអធិស្ធានសូមព្រវិញ្ញណនៃព្រះបានមកបំពេញដល់ជិវិតរបស់យើងបន្ថែមទៀត សូមព្រះអង្គបានប្រទាននូវដូងចិត្តឆេះឆួលក្នុងការបម្រើដល់ទ្រង់រាល់ថ្ងៃសូមកុំអោយយើងមានការភ័យខ្លាចក្នុងការប្រកាសពីព្រះនាមទ្រង់។ ជាពិសេសទៅទៀតសូមអោយយើងបានប្រើអំណោយទានដែលយើងមានក្នុងការជួយក្នុងពន្ធ័កិច្ចនៃព្រះ។