អត្តចរិតនិងទំនាក់ទំនងក្នុងពួកជំនុំនៃព្រះ ១កូរិថូស ៣: ១៦-២៣

សេចក្ដីផ្ដើម៖និយាយរឿង ការសំអាតផ្ទះដើម្បីទទួលស្ដេច ស្នាក់នៅនិងមកលេងផ្ទះ របស់
ខ្លួន……..។ លទ្ធិផលស្ដេចបានចូលមកស្នាក់នៅហើយហូបចុកជាមួយទៀត មិនតែប៉ុណ្ណោះស្ដេចនោះបានមើលថែរក្សាយ៉ាងល្អថែមទៀតផង។ យ៉ាងណាមិញចំពោះរឿងនេះវាស្រដៀងគ្នាទៅនិងព្រះគម្ពីរ (១កូរិនថូស3:16-23)ដែលនិយាយអំពី៖

សំណួរស្នូល

តើយើងធ្វើយ៉ាងដូចម្ដេចទើបមានអត្តចរិកល្អនិងមានទំនាក់ទំនងល្អក្នុងពួកជំនុំនៃព្រះ?

សង្ខេបបទគម្ពីរ

រូបកាយយើងគឺជាព្រះវិហារនៃព្រះ ហើយព្រះវិញ្ញាណនៃព្រះទ្រង់សណ្ឋិតក្នុងអ្នករាល់គ្នា។ អ្នកណាដែលមានអំណួតចំពោះប្រាជ្ញាខ្លួននៅលោកីយនេះ នោះគឺជាសេចក្ដីឆ្កួតល្ងីល្ងើរទេ ចំពោះព្រះជាម្ចាស់។ ពីព្រោះថាព្រះអង្គទ្រង់ជ្រាប ពីគំនិតអ្នកប្រាជ្ញទាំងអស់នោះថាជាការដែលឥតប្រយោជន៏ ។ ដូច្នេះកុំឲ្យអ្នកណាមានអំណួតឡើយ ដ្បិតយើងគឺជារបស់ព្រះគ្រីស្ទទេ ហើយព្រះគ្រីស្ទជារបស់ព្រះ។

រចនាសម្ព័ន:

ព្រះវិហារដ៏ពិតរបស់ព្រះត្រូវរួបរួមគ្នា(១៦-១៧)

II. គួជៀសចេញពីអំណួតដែលនាំឲ្យបែកបាក់ទំនាក់ទំនង(១៨-២០)

III. ត្រូវដឹងថាយើងជារបស់ព្រះគ្រីស្ទ( ៣:២១-២៣)

តួរសេចក្ដី

ព្រះវិហារដ៏ពិតរបស់ព្រះត្រូវរួបរួមគ្នា(១៦-១៧)

យើងត្រូវដឹងថាខ្លូនយើងរូបកាយយើងគឺជាព្រះវិហារនៃព្រះ ដែលជាកន្លែងដែលព្រះវិញ្ញាណបរិសុទ្ធទ្រង់គង់នៅជាមួយយើង។ ដូច្នេះយើងត្រូវមើលថែរក្សានិងធ្វើការល្អមិនត្រូវឲ្យរូបកាយយើងប្រឡាក់ស្មោគគ្រោគដោយអំពើទុច្ចរិតឡើយ។ជាពិសេសត្រូវរក្សាទំនាក់ទំនងជាមួយអ្នកផ្សេងៗទៀត ពីព្រោះបើយើងទាស់ទែងប្រៀបបានជាព្រះវិហារដែលបាក់បែកដែរ។

គួជៀសចេញពីអំណួតដែលនាំឲ្យបែកបាក់ទំនាក់ទំនង(១៨-២០)

មានមនុស្សជាច្រើនដែលគេតែងតែនិយាយថាខ្លួនគេជាអ្នកដែលមានប្រាជ្ញា ជាអ្នកដែលល្អប្រសើរ ប៉ុន្ដែការល្អប្រសើររបស់ពួកគេ គឺព្រះថាជាការដែលឆ្កួតល្ងីល្ងើរទៅវិញ ព្រោះព្រះអង្គទ្រង់ជ្រាប់ចិត្តគំនិតរបស់ពួកគេទាំងអស់។

ត្រូវដឹងថាយើងជារបស់ព្រះគ្រីស្ទ( ៣:២១-២៣)

ត្រូវដឹងថាអ្វីៗទាំងអស់គឺជារបស់ព្រះហើយយើងមិនមែនជាខ្លូនយើងទៀតនោះទេ យើងគឺជារបស់ព្រះគ្រីស្ទវិញ ហើយព្រះគ្រីស្ទគឺជារបស់ព្រះជាម្ចាស់។ ដូច្នេះអ្វីៗទាំងអស់ត្រូវការបំពេញគ្នាទៅវិញ ទៅមក។

· សេចក្ដីបញ្ចប់

ដូច្នេះយើងត្រូវដឹងថាខ្លួនយើងគឺជាព្រះវិហារនៃព្រះវិញ្ញាណបរិសុទ្ធដែលទ្រង់គង់នៅជាមួយយើង។ មិនដែលឃ្លាតចេញឆ្ងាយពីយើងម្ដងណាឡើយ។ ហើយចំពោះពួកអ្នកដែលមានសេចក្ដីអំណួតអួតតែពីជីវិតនៃលោកីយនេះមិនស្វែងរកព្រះ នោះពួកគេគឺជាមនុស្សដែលល្ងីល្ងើរទេ ព្រោះមិនព្រមទទួលជឿព្រះអង្គ។ មួយវិញទៀតត្រូវដឹងថាយើងគឺជារបស់ផងព្រះគ្រីស្ទទេ យើងមិនមែនជាខ្លួនយើងទៀតនោះទេ ពេលដែលយើងបានទទួលជឿព្រះហើយ គឺជាកម្មសិទ្ធរបស់ព្រះ។

· ទេវសាស្រ្ដអំពី

-ព្រះជាម្ចាស់

ព្រះជាម្ចាស់ទ្រង់ជ្រាបពីចិត្តគំនិតរបស់មនុស្សទាំងអស់ ដឹងថាគេកំពុងតែគិតពីអ្វី និងធ្វើអ្វី ព្រះអង្គនឹងបំបាក់ភាពអំណួតរបស់មនុស្សដែលអួតថាខ្លួនមានប្រាជ្ញាអួតថាខ្លួនល្អប្រសើរ។

-ព្រះគ្រីស្ទ

គ្រប់ទាំងអំណាចទាំងអស់បានប្រគាល់មកកាន់ព្រះយេស៊ូវគ្រីស្ទ អ្នកណាដែលជឿលើព្រះអង្គនោះនឹងក្លាយទៅជាកម្មសិទ្ធរបស់ព្រះអង្គ មិនមែនជារបស់ផងខ្លួនទៀតនោះទេ។

-មនុស្ស

យើងជាមនុស្សមិនត្រូវចំពោះប្រាជ្ញានៃលោកីយនេះឡើយ ព្រោះលោកីយមិនមែនជាប្រាជ្ញាដ៏ពិតនោះទេ ប្រាជ្ញាដ៏ពិតនោះគឺនៅក្នុងព្រះយេស៊ូវគ្រីស្ទ។ ហើយអស់អ្នកដែលជឿលើព្រះអង្គទាំងអស់គឺជាកម្មសិទ្ធរបស់ព្រះ ជារបស់ព្រះ ជាកន្លែងដែលព្រះទ្រង់គង់នៅ។

· អនុវត្តន៏

ដោយសារយើងជាព្រះវិហារនៃព្រះនោះយើងត្រូវសំអាតព្រះវិហារនៃព្រះឲ្យបានបរិសុទ្ធ គឺយើងត្រូវសំអាតចិត្តយើងឲ្យបរិសុទ្ធ។ គឺយើងមិនត្រូវធ្វើការអាក្រក់ណាមួយដែលនាំឲ្យព្រះវិហារនៃព្រះអាប់អួរ ឡើយ។ យើងជារបស់ព្រះគ្រីស្ទដូច្នេះយើងធ្វើអ្វីៗក្នុងព្រះនាមព្រះយេស៊ូវគ្រីស្ទ គឺធ្វើការល្អដែលព្រះបានរៀបចំសម្រាប់ឲ្យយើងប្រព្រឹត្តតាម។