បទបញ្ញាត្តិទាំង១០ប្រការរបស់ព្រះជាម្ចាស់ដល់រាស្រ្តរបស់ទ្រង់ និក្ខមនំ ២០: ១ - ១៧

 សេចក្តីផ្តើម: ជាទូទៅក្នុងរឿងចិនបុរាណតែងតែលើកឡើងពាក្យមួយឃ្លាថា ប្រទេសមានច្បាប់
គ្រួសារមានវិន័យ ។ ជាការពិតជាមិនថាប្រទេសជាប្រទេសណានោះទេគឺ សុទ្ធតែមានច្បាប់ក្នុងការដឹកនាំប្រទេសគេរៀងៗខ្លួន ក្នុងគ្រួសារក៏ដូចគ្នាដែរ គ្រប់គ្រួសារតែងតែមានច្បាប់ទំលាប់វិន័យក្នុងគ្រួសារផ្សេងៗពីគ្នា។ តែបើសិនជាប្រទេស ឬក៏គ្រួសារណាដែលមិនមានច្បាប់ វិន័យត្រឹមត្រូវទេនោះ ពិតជាមិនអាចមានការរីកចម្រើន បានទេ ហើយប្រហែលជាមានតែភាពរញេរញ៉ៃ ច្របូកច្របល់ថែមទៀតផង។

·         សំនួរស្នូល: បើសូម្បីតែក្នុងគ្រួសាតូចៗក៏មានច្បាប់វិន័យដែរ ចុះទំរាំតែព្រះដ៏ជាព្រះតើទ្រង់និងមានច្បាប់ បញ្ញត្តិអ្វីខ្លះដែរសម្រាប់ប្រជារាស្រ្តរបស់ទ្រង់?

·         សង្ខេបបទគម្ពីរ:

              ព្រះយេហ៊ូវ៉ាទ្រង់ បានបន្ទូល ជាសេចក្តីបញ្ញាត្តិ១០ប្រការទៅកាន់ប្រជារាស្ត្ររបស់ទ្រង់។ កុំឲ្យគេមានព្រះឯណាក្រៅពីទ្រង់ កុំឲ្យឆ្លាក់ធ្វើរូបអ្វីជាតំណាំងដើម្បីថ្វាយបង្គំឲ្យសោះ កុំឲ្យចេញព្រះនាមព្រះដោយអសាអត់ការឡើយ ។ត្រូវនឹកចាំពីសថ្ងៃឈប់សម្រាក់ ញែកជាថ្ងៃបរិសុទ្ធ ថ្វាយបង្គំព្រះ  ត្រូវគោរពប្រតិបត្តិឪពុកម្តាយ ។កុំសម្លាប់មនុស្ស កុំផិតគ្នា កុំលួចប្លន់ឲ្យសោះ កុំធ្វើជាបន្ទាល់ក្លែងក្លាយទាស់នឹងអ្នកជិតខាងឡើយ កុំលោភចង់បានផ្ទះ បាវ បំរើ  ប្រពន្ធ ទ្រព្យរបស់អ្នកដ៏ទៃឲ្យសោះ ។

·         រចនាសម្ព័ន:

1.បញ្ញាត្តិនៃការហាមប្រាមរបស់ព្រះដល់រាស្រ្តព្រះអង្គ(២០: ១-៦, ១៣:១៧)

·         តួសេចក្តី:

1.   បញ្ញាត្តិនៃការហាមប្រាមរបស់ព្រះដល់រាស្រ្តព្រះអង្គ(២០: ១-៦, ១៣:១៧)

2.   ជាបទបញ្ញាត្តិនៃសេចក្តីបង្គាប់នៃព្រះ(២០:៨ -១២)

-ព្រះជាម្ចាស់បានមានបន្ទូលហាមប្រាមមិនឲ្យរាស្រ្តទ្រង់ធ្វើការជាច្រើន ដូចជាកុំឲ្យលួចកុំឲ្យលោភចង់បានរបស់គេ កុំស្បថកុំចេញព្រះនាមទ្រង់ដោយឥតការឡើយ។

២.ជាបទបញ្ញាត្តិនៃសេចក្តីបង្គាប់នៃព្រះ(២០:៨ -១២)

       មិនមែនមានតែការហាមប្រាមនោះទេតែ ព្រះទ្រង់ ក៏មានបង្គាប់ឲ្យធ្វើការខ្លះៗដែរ គឺត្រូវឲ្យគោរពប្រតិបត្តិដល់ឪពុកម្តាយ ត្រូវស្រឡាញ់ព្រះ អ្នកជិតខាងផងមិនមែនស្រឡាញ់តែខ្លួនឯងឡើយនេះជាបញ្ញាត្តិនៃព្រះ។

·         សេចក្តីបញ្ចាប់:

នេះជាព្រះបន្ទូលនៃព្រះគឺជាបទបញ្ញត្តិដែលរាស្រ្តព្រះអង្គត្រូវស្តាប់និងប្រព្រឹត្តិតាម ដើម្បីគាប់ព្រះហឬទ័យដល់ព្រះ ហើយនិងទទួលបានព្រះពរពីទ្រង់ផងដែរ។គែមិនត្រូវរឹងចចេស ប្រឆាំងនឹងព្រះជាម្ចាស់ដែលទ្រង់ជាព្រះលើអស់ទាំងព្រះនោះឡើយ។

·         ផ្នែកទេវសាស្រ្ត:

·         -ព្រះជាម្ចាស់ :  ជាព្រះដែលបង្កើត ហើយបានសង្រ្គោះ តាំងពីដើមមកម្លេះទ្រង់បាននាំអ៊ីស្រាអែលពីអេស៊ីព្ទ  មករួចផុតពីភាពជាទាសរក ទ្រង់មានសេចក្តីប្រច័ណ្ឌ។

-ព្រះយេស៊ូវគ្រីស្ទ:

    ទ្រង់យុត្តិធម៌ ទ្រង់នឹងកាត់ក្តីដោយ យុត្តិធម៌ដល់អ្នកដែលមិនស្តាប់បង្គាប់ និបមិនប្រព្រិត្តិខុសនិងបញ្ញត្តិនៃព្រះជាម្ចាស់។

-មនុស្ស:

     មានអំនួត មានចិត្តលោភ មិនចូលចិត្តស្លាប់បង្គាប់ព្រះទេ ចូលចិត្តតែការឥតប្រយោជន៍ ធ្វើតាមអំពើចិត្ត ក្តីប្រថ្នាផ្នែកសាច់ឈាម តាមលោកិយ។

·         ការអនុវត្តន៍:

           ក្នុងនាមខ្ញុំជា អ្នកដែលជឿនិងកោតខ្លាចដល់ព្រះដែលកំពុងមានជីវិតរស់នាសម័យនេះ  ត្រូវតែស្តាប់បង្គាប់ និងរក្សាភាពស្មោះត្រង់ភក្តីភាពចំពោះព្រះជាម្ចាស់ជានិច្ច ។ ដោយចង់ចាំនិងអនុវត្តន៍តាមក្រិត្យវិន័យឬបទបញ្ញត្តិទាំង១០ដែលព្រះអង្គបានដាក់ឲ្យតាំងពីសម័យពួកអ៊ីស្រាអែលមកម្លេះ។គឺខ្ញុំត្រូវស្តាប់បង្គាប់ទ្រង់ យកទ្រង់ជាទីមួយ មិនត្រូវធ្វើអ្វីដែលទ្រង់បានហាមក្នុងក្រិត្យវិន័យទាំង១០នោះទេ ហើយជាពិសេសគឺ ត្រូវរក្សាក្រិត្យវិន័យទាំងនោះជានិច្ចមិនត្រូវប្រព្រិត្តរំលងឡើយ ។ ស្តាប់តាមសេចក្តីបង្គាប់ព្រះពិតតែមួយ ដោយគោរពប្រតិបត្តិដល់ឪពុកម្តាយ នឹកចាំពីថ្ងៃឈប់សម្រាក់របស់ទ្រង់ ដើម្បីថ្វាយបង្គំទ្រង់ ហើយនិងកុំទាំង៩ ចំនុចដែលព្រះជាម្ចាស់ហាមកុំឲ្យធ្វើដូចជាកុំមានព្រះឯណាក្រៅពីទ្រង់ កុំ ធ្លាក់ធ្វើរូបអ្វីថ្វាយបង្គំ កុំ  ចេញព្រះនាមទ្រង់ដោយឥតការ កុំ សម្លាប់មនុស្ស កុំផិត កុំលួចប្លន់ កុំធ្វើជាទីបន្ទាល់ក្លែង កុំលោភចង់បានរបស់គេ កុំ ។ មិនត្រឹមតែប៉ុណ្ណោះទេ តែលើសពីនេះទៅទៀតនោះខ្ញុំត្រូវតែ នាំយកព្រះបន្ទូលព្រះដែលខ្ញុំបានដឹកនៅថ្ងៃនេះ ទៅប្រកាសលើកទឹកចិត្តដល់អ្នកដទៃផ្សេងទៀតឲ្យពួកគេបានដឹងនិងស្តាប់តាមព្រះបន្ទូលនៃព្រះផងដែរ ។មិនមែនដឹងហើយលាក់ទុកតែម្នាក់ឯងនោះទេ តែត្រូវតែធ្វើការចែកចាយនិងបង្រៀនដល់អ្នកដ៏ទៃទៀតដែរ ។