ឥរិយាបថ សម្រាប់អ្នកដែលបានសង្រ្គោះ អេសាយ ៥៦: ១ - ៨

 សេចក្តីផ្តើម:មានរឿងមួយបានកើតឡើងក្នុងគ្រួសាមួយ នៅថ្ងៃមួយឪពុកបានអប់រំទូន្មានដល់កូន
ប្រុសខ្លួនកុំឲ្យរកស៊ីឬក៏ធ្វើអំពើខុសច្បាប់។ តែដោយសារតែភាពមានះ និងសេចក្តីលោភលន់ កូនប្រុសនោះក៏ល្មើសនិងដំបូន្មានឪពុកខ្លួនដែលតែងតែទូន្មានកន្លងមក។ កូនប្រុសនោះបានទៅរកស៊ីជួញដូរគ្រឿងញៀន ជាលក្ខណ: ទ្រង់ទ្រាយធំអស់ជាច្រើនឆ្នាំរហូតបានក្លាយជាអ្នកមាន តែរឿងនេះក៏ដឹងដល់ឪពុកគាត់ខឹងណាស់ ក៏បានមករំលឹងនិងប្រមានដល់កូនជាថ្មីម្តងទៀត។ គួឲ្យស្តាយកូនក្បាលរឹងដែលដុះស្លាប់ហើយនោះគេមិនបានស្តាប់គាត់ទេ ដូច្នេះជាលទ្ធិផលគឺនៅថ្ងៃមួយបុរស់ជាកូនក្បាល់រឹងនោះត្រូវបានប៉ូលិសចាប់បាន ព្រមទាំងដកហូតទ្រព្យសម្បតិ្តទាំងអស់មកជារបស់រដ្ឋ ហើយថែមទាំងដាក់ទោសឲ្យគាត់ជាប់គុកអស់មួយជីវិតទៀតផង។

·         សំនួរស្នូល: ដូច្នោះក្នុងនាមជាគ្រីស្ទាន ដែលជាអ្នកដែលបានសង្រ្គោះហើយ តើយើងគួតែមានឥរិយាបថយ៉ាងណាដែរ ក្នុងជីវិតប្រចាំថ្ងៃ ក្នុងការឆ្លើយតបទៅចំពោះសេចក្តីបង្គាប់ក្នុងព្រះបន្ទូលព្រះជាម្ចាស់?

·         សង្ខេបគម្ពីរ:

     ព្រះយេហូវ៉ាទ្រង់មានបន្ទូលបង្គាប់ដល់ទាំងពួកអ៊ីស្រាអែល និងសាសន៍ដទៃទាំងពួកកំរៀវផងដែរថា ត្រូវឲ្យកាន់តាមអស់អស់ទាំងសេចក្តីយុត្តិធម៌ សុចរិត ព្រមទាំងកាន់តាមការងារបស់ទ្រង់ដែរ ពីព្រោះសេចក្តីសង្រ្គោះរបស់ទ្រង់បានមកជិតដល់ហើយ គឺព្រះទ្រង់និងប្រទាននៅសេចក្តីសង្ឃឹមដល់ពួគេ។នាំគេឲ្យបានមានសេចក្តីអរសប្បាយ ក្នុងដំណាក់នៃព្រអង្គ គឺព្រះទ្រង់និងប្រមូលគេដែលត្រូវបំបរបំបង់ឲ្យបានមកវិញ។

·         រចនាសម្ពន័

1.សេចក្តីបង្គាប់នៃព្រះយេហូវ៉ាដល់រាស្រ្តទ្រង់ ឲ្យរក្សាសេចក្តីសុចរិត យុត្តិធម៌(៥៦: ១- ៥)

2.សេចក្តីបង្គាប់ដល់សាសន៍ ដទៃឲ្យដើរតាមបង្គាបនៃព្រះ(៥៦: ៦ - ៨)

·         តួសេចក្តី :

                   I.      សេចក្តីបង្គាប់នៃព្រះយេហូវ៉ាដល់រាស្រ្តទ្រង់ ឲ្យរក្សាសេចក្តីសុចរិត យុត្តិធម៌(៥៦: ១- ៥)

-ព្រះយេហូវ៉ាទ្រង់ មានបន្ទូលថា ត្រូវរក្សាសេចក្តីយុត្តិធម៌ ហើយត្រូវប្រព្រត្តិតាមសេចក្តីសុចរិតនៃព្រះចុះ(ខ១)

-អ្នកដែលបានកាន់ភ្ជាប់នូវសេចក្តីសុចរិត យុត្តិធម៌នោះនឹងបានពរ(ខ២)

-ទាំងសាសន៍ដ៏ទៃ ពួកកំរៀវនឹងមានសង្ឃដោយបានរក្សាហើយស្តាប់   បង្គាប់នៅព្រះបន្ទូលព្រះ(ខ ៣- ៤)

- ព្រះអង្គទ្រង់នឹងឲ្យមានឈ្មោះអស់កល្បជានិច្ចដែលមិនត្រូវកាត់ចេញ មានកន្លែងក្នុងវិហារទ្រង់(ខ៥)

                  II.      សេចក្តីបង្គាប់ដល់សាសន៍ ដទៃឲ្យដើរតាមបង្គាបនៃព្រះ(៥៦: ៦ - ៨)

            -គ្រប់ទាំងសាសន៏ទោះជាពួកសាសន៏ណាក្តី បើបានកាន់ជាប់សេចក្តីបង្គាប់នៃនោះ ព្រះទ្រង់និងប្រទានឲ្យសេចក្តីអរសប្បាយ ក្នុងដំណាក់ព្រះអង្គ ហើយទ្រង់នឹងទទួលដង្វាយដុតនិងយញ្ញបូជារបស់ថ្វាយដល់ទ្រង់ផង(ខ ៦-៧)

     -ព្រះយេហ៊ូវ៉ាទ្រង់នឹងប្រមូលអស់អ្នកដែលត្រូវបំបរបំបង់បានមកក្នុងព្រះពន្លានៃទ្រង់(ខ៨)

·         សេចក្តីបញ្ចាប់ :

ត្រូវរក្សានូវសេចក្តី យុត្តិធម៌ និងសុចរិតនៃព្រះ ហើយនិងថ្ងៃឈប់សម្រាក់នៃទ្រង់ដែរ ព្រមទាំងខ្ជាបខ្ជួនក្នុងការងានៃព្រះផង។ ដ្បិតបើបានធ្វើយ៉ាងនោះ នោះព្រះទ្រង់នឹងសព្វព្រះហឬទ័យ ហើយប្រទានឲ្យមាននូវសេចក្តីអរសប្បាយ ក្នុងដំណាក់នៃទ្រង់មិនខាន ជាពិសេសគឺ ទ្រង់និង ទទួលនូវអស់ទាំង ដង្វាយ ហើយនិងយញ្ញបូជាដែលអ្នកទាំងនោះបានថ្វាយដែរ។

·         ផ្នែកទេវសាស្ត្រ:

-ព្រះជាម្ចាស់:

     ព្រះយេហូវ៉ាទ្រង់ជាព្រះសង្រ្គោះ ដែលទ្រង់មានសេចក្តីយុត្តិធម៌ សុចរិត (ខ ១)

-ព្រះគ្រីស្ទ:

      ទ្រង់និងផ្តល់នូវសេចក្តីប្រោសលោះ ដល់អស់អ្នកដែលកានតាមអស់ទាំងសេចក្តីដែលព្រះវបិតាបានបង្គាបទុក ក្នុងកិច្ចការរបស់ទ្រង់ ។

-មនុស្ស:

       ត្រូវការព្រះ មនុស្សមិនសុចរិត ហើយយុត្តិធម៌ដូចព្រះនោះទេ មនុស្សតែងមានបាប               (រ៉ូម៨:១០)។

·         អនុវត្តន៍:

     ត្រូវរក្សាអស់ទាំងសេចក្តីយុត្តិធម៌ សុចរិត នៃព្រះ ដោយកាន់ខ្ជាប់នូវកិច្ចការរបស់ព្រះ ដែលព្រះអង្គបានបង្គាប់មក និងកាន់តាមថ្ងៃឈប់សម្រាក់នៃទ្រង់ផងដែរ។ មិនត្រូវភ្លេចនូវសេចក្តីបង្គាប់ទាំងនេះឡើយពីព្រោះនេះជាព្រះបន្ទូលនៃព្រះ ត្រូវមានជួយអ្នកដ៏ទៃដោយមិនរើសមុនឡើយទោះជាអ្នកក្រ ឬមានក្តីព្រះទ្រង់មិនដែលរើសមុនអ្នកដែលត្រូវបានសង្រ្គោះដូចគ្នាដែរ ទោះបីជាយើងជាមនុស្សអាក្រក់ យ៉ាងណា ក៏ព្រះអង្គមិនដែលរើសអើង ឬក៏រំឭកនៅអនុសាវរីន៍ចាស់ដែលយើងបានធ្វើអាក្រក់នោះដែរ។