ការបង្កើតសិស្សថ្វាយដល់ព្រះ (ម៉ាថាយ ២៨:១៦-២០)

 

I.សេចក្ដីផ្ដើម

ខ្ញុំចាំបានថាពេលដែលលោកតាខ្ញុំឈឺធ្ងន់ គាត់បានផ្តាំផ្ងើរឪពុករបស់ខ្ញុំមុនពេលគាត់ស្លាប់ថានៅពេលដែលអត់ពីគាត់ទៅគឺឪពុករបស់ខ្ញុំត្រូវជួយមើលថែរក្សាលោកយាយ ហើយនិងបងប្អូនកុំអោយឈ្លោះគ្នា។

ហើយដីធ្លីរបស់គាត់គឺគាត់បានចែកអោយឪពុកខ្ញុំខ្លះហើយនិង អ៊ុំ ប្រុសរបស់ខ្ញុំ។ តាមពិតពាក្យរបស់លោកតារបស់ខ្ញុំគឺសុទ្ធតែជាពាក្យដែលសំខាន់ ហើយគាត់ចង់អោយឪពុករបស់ខ្ញុំបានយល់ព្រមធ្វើបន្តជំនួសលោកតារបស់ខ្ញុំគឺត្រូវមើលថែលោកយាយរបស់ខ្ញុំ។ ទន្ទឹមនិងនេះព្រះយេស៊ូវបានប្រទានមហាបេសកកម្មមួយដ៏សំខាន់ដល់ពួកសិស្សរបស់ទ្រង់ផងដែរ អោយពួកគេបានធ្វើបន្តពីទ្រង់ដូចដែលមានចែងក្នុងព្រះគម្ពីរ ម៉ាថាយ ២៨:១៦-២០។

សំណួរស្នូល៖ដើម្បីអោយកាន់តែយល់ច្បាស់ថែមទៀតយើងនិងសឹក្សាជាមួយគ្នាថា តើព្រះយេស៊ូវគ្រីស្ទទ្រង់បានប្រទានមហាបេសកកម្មអ្វីខ្លះដល់ពួកសិស្សទ្រង់?

សង្ខេបបទគម្ពីរ៖ ពួកសិស្សទ្រង់ទាំង១១នាក់បានឡើងទៅលើភ្នំនៅស្រុកកាលីឡេ ហើយព្រះអង្គបានមានបន្ទូលជាពាក្យផ្តាំផ្ញើរអោយពួកគេបានធ្វើបេសកកម្មបន្តពីទ្រង់ក្នុងការបង្កើតសិស្សនៅគ្រប់ទាំង

សាសន៏ ធ្វើបុណ្យជ្រមុជទឹកដល់គេ ព្រមទាំងបង្រៀនដល់គេ ហើយអោយគេបានកាន់គ្រប់ទាំងសេចក្តីបង្គាប់របស់ទ្រង់។ ដោយព្រះអង្គបានប្រទានអំណាចដល់ពួកគេ ហើយក៏គង់ជាមួយនិងពួកគេរហូត។

រចនាសម្ព័ន្ធ

១. ពួកសិស្សទាំង១១នាក់បានធ្វើតាមបណ្តាំរបស់ព្រះយេស៊ូវ និង ការប្រទានអំណាច (ខ ១៦-១៨)

-ពួកសិស្សបានធ្វើតាមពាក្យផ្តាំផ្ញើរមកកាលីឡេ (ខ១៦-១៧)

- ព្រះយេស៊ូវប្រទានអំណាចដល់ពួកសិស្ស (ខ១៨)

២.មហាបេសកកម្មដែលព្រះយេស៊ូវប្រទានដល់ពួកសិស្ស(ខ១៩-២០)

-សេចក្តីបង្គាប់ព្រះយេស៊ូវអោយបង្កើតសិស្ស (ខ១៩)

-សេចក្តីសន្យារបស់ព្រះយេស៊ូវថាទ្រង់និងគង់ជាមួយ (ខ២០)

II. ការកាត់ស្រាយ  

-ពួកសិស្សបានធ្វើតាមពាក្យផ្តាំផ្ញើរមកកាលីឡេ (ខ១៦-១៧) :

មុនពេលដែលព្រះយេស៊ូវទ្រង់សុគតហើយព្រះអង្គបានហើយព្រះអង្គបានធ្វើពិធីជប់លៀងចុងក្រោយជាមួយពួកសិស្ស នោះព្រះអង្គបានផ្តាំប្រាប់ពួកគេថា << ប៉ុន្តែ កាលណាខ្ញុំបានរស់ឡើងវិញ នោះខ្ញុំនឹងទៅឯស្រុកកាលីឡេមុនអ្នករាល់គ្នា (ម៉ាថាយ២៦: ៣២) >>

- ព្រះយេស៊ូវប្រទានអំណាចដល់ពួកសិស្ស (ខ១៨) : ព្រះយេស៊ូវទ្រង់ប្រទានគ្រប់ទាំងអំណាចដល់ពួកសិស្សទាំងនៅស្ថានសួគ៌ និង នៅផែនដី

២.មហាបេសកកម្មដែលព្រះយេស៊ូវប្រទានដល់ពួកសិស្ស(ខ១៩-២០)

-សេចក្តីបង្គាប់ព្រះយេស៊ូវអោយបង្កើតសិស្ស (ខ១៩)

-សេចក្តីសន្យារបស់ព្រះយេស៊ូវថាទ្រង់និងគង់ជាមួយ (ខ២០)

ឧទាហរណ៏: យប់មួយមុនពេលចូលគេងឪពុកបានប្រាប់កូនថា កូនស្អែកព្រឹកពុកចង់នាំកូនទៅរកត្រីនៅឯទឹកអូមួយខាងកើតភូមិ។ ពេលនោះមកដល់កូននោះខ្លាចមិនហ៊ានចុះទឹកសោះព្រោះតែគាត់មិនចេះហែលទឹក។ ឪពុកបានប្រាប់កូនទាំងទំនុកចិត្តថា កូនអើយកុំខ្លាចអីពុកនៅទីនេះជាមួយនិងកូនពុកនិងជួយដល់កូនមិនអោយគ្រោះថ្នាក់បាននោះទេ កូនចុះទៅក្នុងទឹកនេះទៅ ហើយទឹកនេះរាក់ទេ កូននិងមិនលេច ហើយលង់ក្នុងទឹកនេះឡើយ។

III.សេចក្តីបញ្ចប់

សរុបសេចក្តីមក:

ព្រះយេស៊ូវទ្រង់បានផ្តាំផ្ញើរដល់ពួកសិស្សទ្រង់អោយបំពេញមហាបេសកកម្មបន្តពីទ្រង់ក្នុងការបង្កើតសិស្សគ្រប់ទាំងសាសន៏ ហើយបង្រៀនដល់ពួកគេអោយបានកាន់តាមព្រះបន្ទូលនៃទ្រង់ ដោយព្រះ

អង្គបានប្រទានអំណាចដល់ពួកសិស្សហើយព្រះអង្គសន្យាថានិងគង់នៅជាមួយនិងពួកគេជារៀងរហូតទៅ ។

-ព្រះជាម្ចាស់

ព្រះជាម្ចាស់ជាព្រះស្មោះត្រង់ចំពោះសេចក្តីសន្យារបស់ទ្រង់ ព្រះអង្គបានបញ្ជូនព្រះរាជបុត្រាទ្រង់តែមួយដើម្បីនិងធ្វើបេសកកម្មចំពោះលោកិយនេះដែលពេញដោយភាពបែកបាក់ អោយមនុស្សមានផ្លូវមួយដើម្បីវិលទៅរកឯព្រះអង្គវិញ (យ៉ូហាន៣:១៦)។

- ព្រះគ្រីស្ទ

ព្រះយេស៊ូវគ្រីស្ទទ្រង់ស្រលាញ់ដល់មនុស្សលោកយ៉ាងខ្លាំងបានជាព្រះអង្គបានយាងមកផែនដីនេះទ្រង់បានធ្វើជាគំរូនៃបេសកកម្មដល់ពួកសិស្សទ្រង់ហើយព្រះអង្គនិងគង់នៅជាមួយនិងពួកគេរហូត (ម៉ាថាយ២៨:២០)

- មនុស្ស : មនុស្សត្រូវការដំណឹងល្អ មនុស្សបានបាក់បែកហើយវង្វេងចេញពីព្រះ ចិត្តរបស់គេបានពេញទៅដោយបាប ពួកគេមិនអាចជួយខ្លួនឯងបានឡើយ។

ចំណុចអនុវត្តន៏  

យើងបានជឿលើព្រះអង្គ ហើយក៏បានទទួលសេចក្តីសង្រ្គោះពីព្រះជាម្ចាស់រួចហើយ ហេតុនេះយើងគឺជាអ្នកដែលចេញទៅដើម្បីរួមចំណែកក្នុងការបំពេញមហាបេសកកម្មថ្វាយដល់ព្រះ ដោយយើងជឿជាក់ថាព្រះជាម្ចាស់ទ្រង់គង់ជាមួយនិងយើង យើងមានអំណាចពីព្រះអង្គក្នុងការនាំដំណឹងល្អទៅគ្រប់ទាំងជាតិសាសន៏។