ដំដោះស្រាយបញ្ហាក្នុងចំណោមអ្នកជឿ ១កូរិនថូស៦:១-១១

សេចក្ដីផ្ដើម ៖និយាយរឿង គ្រួសារមួយតែងតែបាត់លុយជាញឹកញាប………..។ លទ្ធិផលចុងក្រោយ
ទៅប្ដឹងគ្នានៅតុលាការ…….។

សំណួរស្នូល ៖ តើនៅពេលដែលពួកជំនុំមានបញ្ហាតើយើងគួរតែដោះស្រាយយ៉ាងដូចម្ដេច?

· សង្ខេបបទគម្ពីរ

នៅក្នុងពួកជំនុំមានអំពើអយុត្តិធម៌កើតឡើង ពួកគេបានទៅប្ដឹងផ្ដល់គ្នានៅក្នុងពួកជំនុំជាមួយចៅក្រមខាងក្រៅដែលមិនមែនជាអ្នកដែលជឿលើព្រះ។ ឲ្យពួកគេទាំងនោះជាអ្នកកាត់ក្ដីចំពោះរឿងរ៉ាវរបស់ពួកគេ វិញ។ តែលោកសាវ័ប៉ូលបានបា្រប់ពួកគេថាពួកគេត្រូវតែដោះស្រាយបញ្ហានោះត្រឹមតែនៅក្នុងពួកជំនុំបានហើយមិនត្រូវឲ្យពួកអ្នកមិនជឿដោះស្រាយឲ្យយើងនោះទេ។ ព្រោះពួកនោះគេមិនមែនជាមនុស្សដែលសុចរិតនោះទេ ហើយពួកគេក៏មិនបានគ្រងនគរព្រះទុកជាមរដក ដែរ។

រចនាសម្ព័ន:

I. របៀបដោះស្រាយការទាស់ទែងគ្នាក្នុងពួកជំនុំ(១-៧)

II. ពួកអ្នកខាងឯសាច់ឈាមមិនអាចទទួលនគរព្រះបានឡើយ (៨-១១)

តួរសេចក្ដី

II. របៀបដោះស្រាយការទាស់ទែងគ្នាក្នុងពួកជំនុំ(១-៧)

· ការប្ដឹងផ្ដល់គ្នានៅក្នុងពួកជំនុំ

មនុស្សមិនថាតែពួកអ្នកដែលជឿព្រះឬមិនព្រះនោះទេគឺតែងតែមានបញ្ហាជាមួយគ្នាមិនខាន ឡើយ។ ប៉ុន្ដែនៅពេលដែលពួកជំនុំមានបញ្ហាពួកជំនុំមិនគួរនឹងទៅប្ដឹងផ្ដល់គ្នានៅក្នុងចំណោមពួកអ្នកមិនជឿព្រះនោះទេ ព្រោះថាយើងជាពួកអ្នកដែលបរិសុទ្ធតែបែជាឲ្យពួកទុច្ចរិតវិនិច្ឆ័យយើងវិញឬអី? គឺយើងត្រូវដោះស្រាយនៅក្នុងគ្រួសារយើងបានហើយ នៅក្នុងពួកជំនុំយើងបានហើយ។

III. ពួកអ្នកខាងឯសាច់ឈាមមិនអាចទទួលនគរព្រះបានឡើយ (៨-១១)

· ពួកអ្នកប្រព្រឹត្តអំពើទុច្ចរិត

បើសិនជាយើងយករឿងរ៉ាវនៃការទាស់ទែងគ្នានៅក្នុងពួកជំនុំទៅប្ដឹងផ្ដល់ដល់ពួកអ្នកមិនជឿព្រះពួកអ្នកលោកីយគឺមានន័យថាឲ្យពួកគេជាអ្នកវិនិច្ឆ័យយើងហើយ។ តាមពិតទៅពួកគេគឺជាពួកមានទោសរួចទៅហើយ យើងមិនគួរនឹងអនុញ្ញាតឲ្យពួកទុច្ចរិតវិនិច្ឆ័យយើងនោះទេ គឺយើងត្រូវឲ្យព្រះជាអ្នកវិនិច្ឆ័យសម្រាប់យើងវិញ ។

· សេចក្ដីបញ្ចប់

ដូច្នេះសរុសេចក្ដីមកវិញនៅពេលដែលយើងមានបញ្ហានៅក្នុងពួកជំនុំយើងត្រូវតែដោះស្រាយបញ្ហានោះត្រឹមតែនៅក្នុងពួកជំនុំទៅបានហើយ។ មិនចាំបាច់ទៅប្ដឹងផ្ដល់ដល់ពួកអ្នកដែលមិនជឿព្រះនាំតែអាប់អោនកិត្តិនាមព្រះធ្វើអី? ព្រោះថាព្រះក៏ប្រទានប្រាជ្ញាសម្រាប់ឲ្យយើងចេះមានការគិតពិចារណារកខុសរកត្រូវបានដែរ។ ត្រូវដឹងថាពួកទុច្ចរិតមិនអាចគ្រងនគរព្រះបានទេ ចុះហេតុអ្វីបានយើងទៅរកគេឲ្យជួយវិនិច្ឆ័យយើងយ៉ាងដូច្នេះទៅវិញ។ ដ្បិតយើងមានព្រះដ៏ធំដែលជាអ្នកវិនិច្ឆ័យលើគ្រប់ការទាំងអស់ហើយ។

· ទេវសាស្រ្ដអំពី

ព្រះជាម្ចាស់

ព្រះជាម្ចាស់ជាអ្នកវិនិច្ឆ័យទោសមនុស្សទាំងអស់ដោយយុត្តិធម៌ដោយសេចក្ដីសុចរិតត្រឹមត្រូវ មនុស្សទាំងអស់មិនអាចលាក់កំបាំងអំពើទុច្ចរិតរបស់ខ្លួនបានឡើយ។

ព្រះគ្រីស្ទ

នៅថ្ងៃចុងបំផុតនៃផែនដីនោះព្រះយេស៊ូវគ្រីស្ទទ្រង់នឹងជំនុំជំរះមនុស្សទាំងអស់ដោយអំណាចេស្ដារបស់ព្រះអង្គ អ្នកដែលប្រព្រឹត្តដោយសេចក្ដីយុត្តិធម៌អ្នកដែលស្មោះត្រង់ អ្នកដែលស្រឡាញ់ព្រះនោះនឹងបានគ្រងផែនដីជារមដក។

មនុស្ស

យើងជាពួកបរិសុទ្ធនៅក្នុងព្រះយេស៊ូវគ្រីស្ទ យើងត្រូវចេះអត់ទោសឲ្យគា្នទៅវិញទៅមក មិនត្រូវចូលចិត្តប្រព្រឹត្តអំពើអយុត្តិធម៌មិនស្មោះត្រង់ចំពោះគ្នានោះទេ។ អ្នកដែលកោតខ្លាចព្រះនឹងបានទៅនៅជាមួយព្រះ តែពួកលោកីយវិញនិងបានទៅនៅស្ថានដែលវេទនាជាទីបំផុត។

Ø អនុវត្តន៏

នៅពេលដែលយើងមានបញ្ហានៅក្នុងពួកជំនុំយើងត្រូវចេះដោះស្រាយនៅត្រឹមតែក្នុងពួកជំនុំបានហើយ គឺដោះស្រាយតាមរបៀបព្រះគម្ពីរ(ម៉ាថាយ ១៥:១៥-១៧)។ ព្រោះព្រះអង្គបានផ្ដល់ប្រាជ្ញាឲ្យយើងរួចទៅហើយយើងមិនគួរទៅប្ដឹងនៅក្នុងតុលាការនៃពួកអ្នកដែលមិនជឿព្រះនោះទេ។