ពួកជំនុំត្រូវមានការរួបរួម អេភេសូ 4:1-16

សេចក្តីផ្តើម៖មានសមាជិកពួកជំនុំម្នាក់គាត់បាននិយាយថាយើងដែលជាអ្នកជឿដល់ព្រះគ្រីស្ទ គួរ

តែមានការរួបរួមនៅក្នុងការបំរើដល់ព្រះជាម្ចាស់ក្នុងពួកជំនុំរបស់យើង។ ប៉ុន្តែជាការពិតរូបគាត់
ផ្ទាល់គាត់មិនដែលចូលរួមនៅក្នុងសកម្មភាពជាមួយនោះទេក្នុងពួកជំនុំ គឺគាត់បានតែនិយាយតែប៉ុណ្ណោះ ។  ការរួបរួមមួយពិតប្រាកដដូចជាមានសមាជិកម្នាក់ក្នុងពួកជំនុំរបស់ខ្ញុំម្នាក់គាត់មានភាពសកម្មនៅក្នុងពួកជំនុំ ហើយរាល់កិច្ចការងារក្នុងពួកជំនុំគាត់តែងតែមានមុខជានិច្ចមិនដែលខាននោះទេ។  

ការរួបរួមគឺមិនមែនតែការសម្តែងចេញជារូបភាពដែលនៅខាងក្រៅប៉ុណ្ណោះទេ តែជាការរួបរួមដែលចេញពីក្នុងចិត្តមក ហើយជាការធ្វើសម្រាប់ថ្វាយដល់ព្រះជាម្ចាស់។ តែបើតាមការដែលខ្ញុំឃើញការដែលគាត់ធ្វើទាំងប៉ុន្មានគឺគាត់ធ្វើដើម្បីថា្វយដល់ព្រះ ពីព្រោះថាអ្វីដែលគាត់បានធ្វើគឺគាត់មិនគិតប្រយោជន៍សម្រាប់ខ្លួនគាត់ឡើយគឺគាត់សម្រាប់ជាប្រយោជន៍រួមនៅក្នុងពួកជំនុំវិញ។

      ឃ្លាភ្ជាប់ ការរួបរួមមួយដែលពិតប្រាកដគឺត្រូវមានការចូលរួមដោយព្រះអម្ចាស់យេស៊ូវគ្រីស្ទ។

     សំនួរស្នូល: តើហេតុអ្វីបានជាពួកជំនុំត្រូវមានការរួបរួមគ្នា? 

សង្ខេបបទគម្ពីរ

ដូច្នេះ ខ្ញុំជាអ្នកជាប់គុកក្នុងព្រះអម្ចាស់ ខ្ញុំទូន្មានអ្នករាល់គ្នាថា ចូរឲ្យអ្នករាល់គ្នាដើរបែបគួរនឹងការងារ ដែលទ្រង់បានហៅមកធ្វើចុះព្រមទាំងមានចិត្តសុភាព ហើយស្លូតបូតគ្រប់ជំពូក ទាំងអត់ធ្មត់ ហើយទ្រាំទ្រគ្នាទៅវិញទៅមក ដោយស្រឡាញ់ហើយខំប្រឹងរក្សាសេចក្ដីរួបរួមគ្នារបស់ព្រះវិញ្ញាណ ដោយសេចក្ដីមេត្រី ទុកជាចំណងផង មានរូបកាយតែ១ ហើយព្រះវិញ្ញាណតែ១ ដូចជាទ្រង់បានហៅអ្នករាល់គ្នាមក ក្នុងសេចក្ដីសង្ឃឹមតែ១របស់ការងារអ្នករាល់គ្នាដែរមានព្រះអម្ចាស់តែ១ សេចក្ដីជំនឿតែ១ បុណ្យជ្រមុជតែ១ មានព្រះតែ១ គឺជាព្រះវរបិតានៃទាំងអស់ ដែលទ្រង់ខ្ពស់លើទាំងអស់ គង់នៅកណ្ដាលទាំងអស់ ហើយសណ្ឋិតនៅក្នុងទាំងអសតែមានព្រះគុណផ្ដល់មកយើងរាល់គ្នារៀងរាល់ខ្លួន តាមខ្នាតអំណោយទាននៃព្រះគ្រីស្ទបានជាទ្រង់មានបន្ទូលថា «ដែលបានយាងឡើងទៅស្ថានខ្ពស់ នោះទ្រង់បានចាប់ពួកឈ្លើយនាំទៅជាឈ្លើយ ហើយបានប្រទានអំណោយទានដល់មនុស្ស‍» តែដែលថា ទ្រង់យាងឡើងទៅនោះ តើមានន័យដូចម្ដេច បើមិនមែនថា ទ្រង់បានយាងចុះទៅដល់ស្ថានទាបក្រោមដីជាមុនប៉ុណ្ណោះឯព្រះដែលយាងចុះទៅនោះ គឺជាព្រះដដែល ដែលបានយាងឡើងផុតអស់ទាំងជាន់នៅស្ថានសួគ៌ ដើម្បីឲ្យទ្រង់បានគង់នៅពេញគ្រប់ទាំងអស់

 ហើយទ្រង់បានប្រទានឲ្យអ្នកខ្លះបានធ្វើជាសាវក ខ្លះជាគ្រូអធិប្បាយ ខ្លះជាគ្រូផ្សាយដំណឹងល្អ ខ្លះជាគ្រូគង្វាល ហើយខ្លះជាគ្រូបង្រៀន ប្រយោជន៍នឹងនាំឲ្យពួកបរិសុទ្ធបានគ្រប់លក្ខណ៍ឡើង សំរាប់ធ្វើការជំនួយ ហើយនឹងស្អាងរូបកាយព្រះគ្រីស្ទឡើង ទាល់តែយើងរាល់គ្នាបានរួបរួម ខាងឯសេចក្ដីជំនឿរួចជាស្រេច ហើយបានស្គាល់ព្រះរាជបុត្រានៃព្រះ ដូចគ្នាទាំងអស់ គឺដល់បានពេញជាមនុស្ស ហើយដល់ខ្នាតកំពស់នៃសេចក្ដីពោរពេញផងព្រះគ្រីស្ទ ដើម្បីកុំឲ្យយើងនៅជាកូនតូចទៀត ទាំងត្រូវគ្រប់អស់ទាំងខ្យល់នៃសេចក្ដីបង្រៀនបោកហើយផាត់យើងចុះឡើង ដោយសេចក្ដីឆបោករបស់ផងមនុស្ស ហើយដោយឧបាយកល ដែលគេប្រើនឹងនាំឲ្យវង្វេងទៀតឡើយ តែដោយកាន់តាមសេចក្ដីពិត ដោយសេចក្ដីស្រឡាញ់វិញ នោះឲ្យយើងបានធំឡើង ខាងឯគ្រប់ការទាំងអស់ក្នុងទ្រង់ ដែលទ្រង់ជាសិរសា គឺជាព្រះគ្រីស្ទ ដែលរូបកាយទាំងមូលបានផ្គុំ ហើយភ្ជាប់គ្នាមកអំពីទ្រង់ ដោយសារគ្រប់ទាំងសន្លាក់ដែលផ្គត់ផ្គង់ឲ្យតាមខ្នាតការងាររបស់អវយវៈនិមួយ‍ៗ នោះរូបកាយបានបង្កើនឡើង ដើម្បីនឹងស្អាងខ្លួន ក្នុងសេចក្ដីស្រឡាញ់ ។ 

រចនាសម្ព័ន្ធ

I.        ការរួបរួមជារូបកាយតែមួយនៅក្នុងព្រះគ្រីស្ទ(4:1-7)

1.       ការរួបរួមដោយសេចក្តីស្រលាញ់មកពីព្រះគ្រីស្ទ(4:1-3)

2.       ការរួបរួមតាមខ្នាតអំណោយទានរបស់គ្រីស្ទផ្តល់ឲ្យ

II.       ព្រះគ្រីស្ទទ្រង់ជាសិរសានៃពួកជំនុំ(4:8-16)

1.       ព្រះគ្រីស្ទទ្រង់គង់នៅស្ថានដ៏ខ្ពស់បំផុត(4:8-11)

2.       ពួកជំនុំគឺជាអវ:យវ:និងជារូបកាយតែមួយរបស់ព្រះគ្រីស្ទ(4:12-16)

រឿងឧទាហរណ៍   ការសាងសង់អាគាបើឥតនៅផ្សេង ហើយសំភារ:ផ្សេងៗទៀតនៅដាច់ដោយឡែកតើអាចមានអាគារបានដែរឬទេ

សរុបសេចក្តី

             នៅក្នុងមេរៀននេះសរបានបញ្ជាក់ឲ្យយើងបានឃើញថា ការរួបរួមនៅក្នុងពួកជំនុំពិតជាមានការយ៉ាងសំខាន់ណាស់នៅក្នុងជីវិតរបស់គ្រីស្ទបរិស័ទ្ទគ្រប់ៗរូប។ ការរួបរួមគ្នាក្នុងកិច្ចការងាររបស់ព្រះធ្វើឲ្យយើងកាន់តែបង្ហាញចំពោះសេចក្តីស្រលាញ់របស់ព្រះជាម្ចាស់ជានិច្ច ហើយការដែលពួកជំនុំចេះបង្ហាញសេចក្តីស្រលាញ់របស់ព្រះនោះវាបានធ្វើឲ្យពួកគេចេះ

ប្រើប្រាស់នូវអំណោយទានដែលព្រះបានប្រទានដល់ពួកគេ អញ្ចឹងទេពួកជំនុំមានគ្រប់ធន់ធានមនុស្ស ព្រមទាំងមានការបួករួមជាមួយនិងព្រះគ្រីស្ទផងនោះវាបានធ្វើឲ្យការងារមានភាពល្អប្រសើរឡើង។ ម្យ៉ាងវិញទៀតនោះព្រះគ្រីស្ទទ្រង់ជាក្បាលឬជាសិរសានៃពួកជំនុំ ដែលទ្រង់ជាព្រះដែលគង់នៅស្ថានសួគ៍ទ្រង់ទតមើលរាលកិច្ចការដែលពួកជំនុំកំពុងតែធ្វើតើពួកជំនុំមានការរួបរួមយ៉ាងដូចម្តេចដែរ។ ឧទាហរណ៍ថាដូចជាតន្រ្តីបើសិនជាមិនរួបរួមទេនោះ គេមិនហៅថាតន្រ្តីនោះទេ ហ្គីត្តាលេងផ្សេងស្គរលេងផ្សេងនោះការប្រគុំវាមិនពិរោះនោះទេ តន្ត្រីទាល់តែយើងលេងមានតុងតែមួយតាមតែមួយទើបការប្រគុំវាបានពិរោះ។ ពួកជំនុំក៏ដូចជាតន្ត្រីអញ្ចឹងដែរត្រូវរូបរួមតែមួយទើបអាណាចក្ររបស់មានការរីកលូតលាស់នៅផែនដីនេះ ហើយពួកត្រូវរូបរួមជាមួយព្រះគ្រីស្ទដោយមិនអាចខ្វះបាននោះទេ។

ទេវស្ត្រា

ព្រះជាម្ចាស់ 

      យើងបានឃើញនៅក្នុងព្រះគម្ពីរមានការរួបរួមមួយយ៉ាងល្អបំផុតគឺជាព្រះជាម្ចាស់ នៅក្នុងកិច្ចការងាររបស់ទ្រង់ក្នុងការបង្កើតពិភពលោក ការសង្រោះមនុស្សលោក ដែលមាននាមបីអង្គគឺព្រះវបិតា ព្រះបុត្រា និងព្រះវិញ្ញាណបរិសុទ្ធ គឺគំរួមួយសម្រាប់ដល់យើងរាលគ្នាក្នុងការបម្រើដល់ព្រះជាម្ចាស់ ហើយការរួបរួមរបស់ព្រះមានភាពពេញលេញក្នុងរបៀបនៃការរួបរួមគឺជាការរួបរួមដែលល្អឥតខ្ចោះរបស់ព្រះជាម្ចាស់។      

ព្រះយេស៊ូវ

      ចំពោះអង្គព្រះគ្រីស្ទវិញទ្រង់បានរួបរួមដោយបន្ទាបខ្លួនចុះចូលជាមួយនិងព្រះវបិតា នៅក្នុងពន្ធ័កិច្ចរបស់ទ្រង់យាងមកផែនដីក្នុងការជួយសង្រ្គោះដល់ពិភពលោកទាំងមូល រហូតដល់ទ្រង់សុគត់នៅលើឈើឆ្កាង ។ ទាំងនេះជាគំរួរមួយសម្រាស់បង្រៀនដល់ពួកជំនុំក្នុងការរួបរួមគ្នានៅក្នុងពួកជំនុំ។     

មនុស្ស

      នៅក្នុងពន្ធ័កិច្ចរបស់ព្រះជាម្ចាស់ អ្នកដឹកនាំ និងពួកជំនុំគឺជាមនុស្សដូចគ្នា គ្មានអ្នកណាអាចធ្វើកិច្ចបានគ្រប់យ៉ាងបានទាំងអស់បាននោះទេ ទាំងអ្នកដឹកនាំសមាជិកត្រូវតែរួបរួមគ្នាទើបអាចធ្វើកិច្ចការទាំងនោះបាន។ យ៉ាងណាមិញមនុស្សយើងមានភាពទន់ខ្សោយមិនមានសម្ថភាពគ្រប់គ្រាន់បាននោះទេ ហេតុនេះបានជាអ្នកដឹកនាំត្រូរួបរួមជាមួយសមាជិកៗត្រូវរួបរួមជាមួយអ្នកដឹកនាំ ហើយអ្នកដឹកនិងសមាជិកត្រូវរួបរួមជាមួយនិងព្រះគ្រីស្ទដោយមិនអាចខានបាននោះទេ។

អនុវន្ត៍

      ចំពោះខ្លួនខ្ញុំផ្ទាល់ការរួបរួមជារូបកាយតែមួយនៅក្នុងព្រះគ្រីស្ទគឺជា ការរួបរួមដោយសេចក្តីស្រលាញ់មកពីព្រះគ្រីស្ទ នៅក្នុងការរួបរួមតាមខ្នាតអំណោយទានរបស់គ្រីស្ទផ្តល់ឲ្យ ក្នុងការបំរើព្រះជាម្ចាស់ យកព្រះគ្រីស្ទទ្រង់ធ្វើជាសិរសាក្នុងការដឹកនាំពួកជំនុំ ព្រះគ្រីស្ទទ្រង់គង់នៅស្ថានដ៏ខ្ពស់បំផុត និងបង្រៀនឲ្យគេយល់ថាពួកជំនុំគឺជាអវ:យវ:និងជារូបកាយតែមួយរបស់ព្រះគ្រីស្ទហេតុនេះត្រូវមានការរួបរួមគ្នានៅក្នុងពួកជំនុំដើម្បីនរគរបស់ព្រះជាម្ចាស់នៅលើផែនដីនេះកាន់តែមានការរួបរួមថែមទៀត។