អ្នកដឹកនាំយល់ពីការត្រាសហៅរបស់ព្រះ លោកុប្បត្តិ12:1-5

   សេចក្តីផ្តើម៖រឿងខ្លី អំពីយុវជននិងម្នាក់ និងគ្រូគង្វាល បាននិយាយអំយុវជននោះ គោរពធ្វើតាមគ្រូណាស់ ព្រោះ គេគិតថា គ្រូគង្វាល ជាមនុស្សម្នាក់ទទួលបានការត្រាស់ហៅមកពីព្រះ។ តែ
គាត់ក៏មានចំងលល់សួរគ្រូថា គាត់មាននារីដ៏ស្រស់ស្អាតម្នាក់មកសាភាពស្រលាញ់គាត់ ហើយថ្មីនេះមានក្រុមហ៊ុនមួយមានប្រាក់ខែ ច្រើនណាស់មកហៅគាត់ធ្វើការ គាត់បានសួរថា តើការនេះជាការត្រាស់ហៅរបស់ព្រះជាម្ចាស់? លោក គ្រូ​បា្រប់ថា ចូរកុំគិតពីសាច់ឈាមច្រើនពេក ចូរសម្លឹងមើលទៅឯព្រះជាម្ចាស់វិញ។​ លោកុប្បត្តិ(12:1-5)

ឃ្លាភ្ជាប់

             បានជាយើងបានឃើញថារឿងខាងលើនេះវាគ្រាន់តែចង្ហាញថា អ្នកដឹកនាំត្រូវយល់ថា ការត្រាសហៅក្នុងដឹកនាំមកពីព្រះគឺមានលក្ខណ:ខុសប្លែកពីការដឹកនាំផ្សេងៗយ៉ាងដូចម្ដេច?

សំនួរស្នូល:

  ព្រះជាម្ចាស់ទ្រង់បានត្រាសហៅឲ្យអ្នកធ្វើជាអ្នកដឹកនាំតើអ្នកគួឆ្លើយតបបែបណា?

សង្ខេបបទគម្ពីរ

     ព្រះយេហូវ៉ាទ្រង់មានបន្ទូលនឹងអាប់រ៉ាមថា ចូរឯងចេញពីស្រុក ពីញាតិសន្ដាន នឹងពីផ្ទះឪពុកឯង ទៅនៅឯស្រុកដែលអញនឹងបង្ហាញឯងចុះ អញនឹងបង្កើតនគរ១យ៉ាងធំពីឯង អញនឹងឲ្យពរដល់ឯង ទាំងលើកឈ្មោះឯងជាធំផង ឯងនឹងបានធ្វើជាទីបញ្ចេញពរដល់មនុស្សទាំងឡាយ អញនឹងឲ្យពរដល់អស់អ្នកណាដែលឲ្យពរដល់ឯង ហើយនឹងដាក់បណ្ដាសាដល់អស់អ្នកណាដែលផ្ដាសាឯង គ្រប់ទាំងគ្រួនៅផែនដីនឹងបានពរដោយសារឯង

អាប់រ៉ាមក៏ចេញទៅ ដូចជាព្រះយេហូវ៉ាបានបង្គាប់ ឡុតក៏ទៅជាមួយដែរ កាលអាប់រ៉ាមចេញពីខារ៉ានទៅ នោះគាត់អាយុបាន៧៥ឆ្នាំហើយ ក៏យកសារ៉ាយជាប្រពន្ធនឹងឡុតជាក្មួយ ព្រមទាំងរបស់ទ្រព្យទាំងប៉ុន្មានដែលបានប្រមូលទុក នឹងមនុស្សទាំងអស់ដែលបាន កាលនៅខារ៉ានផង នាំគ្នាចេញពីទីនោះ ដើម្បីទៅឯស្រុកកាណាន ក៏ចូលទៅក្នុងស្រុកនោះ ។

រចនាសម្ព័ន្ធ

    I.      អ្នកដឹកនាំយល់ពីការត្រាសហៅរបស់ព្រះ (12:1-3)

    II.        លោកអប្រាហាំស្តាប់បង្គាប់តាមព្រះជាម្ចាស់(12:4-5)

សរុបសេចក្តី

     អ្នកដឹកនាំដែលបានយល់ថាព្រះត្រាសហៅមិនងាយមានពិតប្រាកដនោះទេ បានជានៅក្នុងព្រះគម្ពីរលោកុប្បត្តិជំពូក១២បានប្រាប់ថា លោកអាប្រាហាំព្រះជាម្ចាស់សត្រាសហៅលោកដើម្បីឲ្យបានធ្វើជាអ្នកដឹកនាំ ។ លោកអប្រាហាំបានយល់យ៉ាងច្បាស់ថាព្រះជាម្ចាស់ទ្រង់បានត្រាសហៅលោកឲ្យបានធ្វើជាអ្នកដឹកនាំ ដែលព្រះជាម្ចាស់បានសន្យាជាមួយនិងគាត់ទោះបីជាគាត់មិនទានកូនក៏គាត់ស្តាប់បង្គាប់តាមព្រះជាម្ចាស់ ។ លោកអ្នកបងប្អូន ហើយនិងខ្ញុំព្រះជាម្ចាស់បានត្រាសហៅដើម្បីធ្វើជាអ្នកដឹកនាំបំរើដល់ព្រះជាម្ចាស់ ដើម្បីឲ្យមនុស្សបានស្តាប់ឮព្រះបន្ទូលរបស់ទ្រង់។ មួយវិញទៀតយើងត្រូវយល់ថា ការត្រាសហៅគឺដើម្បីដឹកនាំពួកជំនុំ ឬ ដឹកនាំប្រទេសជាតិឬដឹកនាំអ្វីមួយគឺទ្រង់មានគោលបំណងរបស់ទ្រង់ដើម្បីដឹកនាំឲ្យមានការផ្លាសប្រែ ផ្តល់នូវសេចក្តីសន្យារបស់ព្រះជាម្ចាស់ ព្រះចង់បានការស្តាប់បង្គាប់ក្នុងការទ្រង់ហៅឲ្យដឹកនាំ។

ទេវស្ត្រា

ព្រះជាម្ចាស់ 

   ព្រះជាម្ចាស់ត្រាស់ហៅមនុស្សមិនមែនមកពីខ្វះសម្ថភាព នៅក្នុងការដឹកនាំនោះទេតែ ព្រះជាម្ចាស់ចង់បង្ហាញឲ្យមនុស្សបានដឹងថាភាពជាព្រះរបស់ទ្រង់ ទ្រង់អាចហៅអ្នកណាធ្វើការបំរើទ្រង់ក៏បានតាមអំណាចចេស្តារបស់ទ្រង់។ ព្រះជាម្ចាស់ទ្រង់មានអំណាចភាពព្រះរបស់ទ្រង់មានអំណាចគ្មានអ្នកណាស្មើនិងទ្រង់បាននោះទេ។      

ព្រះយេស៊ូវ

    ចំនែកព្រះគ្រីស្ទវិញទ្រង់បានធ្វើតាមការត្រាសហៅពីព្រះវបិតា ទ្រង់បានយាងមកពីស្ថានសួគ៍ដើម្បីធ្វើជាអ្នកដឹកមនុស្ស ទ្រង់បានធ្វើការជាច្រើនក្នុងការដឹកនាំមនុស្សដើម្បីនាំមនុស្សឲ្យបានចូលទៅក្នុងនរគរបស់ទ្រង់។ ព្រះគ្រីស្ទទ្រង់បានជាអ្នកដឹកនាំដែលជោកជ័យបំផុតនៅក្នុងពន្ធ័កិច្ចរបស់នៅលើផែនដីនេះ ដូចជានៅក្នុងទំនុកដំកើងជំពូក២៣ថាទ្រង់ជាអ្នកគង្វាលដ៏ល្អ ហើយមួយវិញទៀតការដឹកនាំរបស់ទ្រង់ដើម្បីសំរេចរាល់សេចក្តីសន្យារបស់ទ្រង់ចំពោះលោកអប្រាហាំយ៉ាងពិតប្រាកដ ក្នុងការដឹកនាំប្រជាជាតិគ្រប់ជាតិសាសន៍។

មនុស្ស

   អ្នកដឹកនាំពិតប្រាកដមិនងាយមានពិតប្រាដកនោះទេ ពីព្រោះមិនយល់ពីគោលបំណង

ដែលទ្រង់បានត្រាសហៅឲ្យធ្វើជាអ្នកដឹកនាំ តែលោកអប្រាហាំលោកបានយល់យ៉ាងច្បាស់លាស់ថាព្រះពិតជាបានហៅគាត់ធ្វើជាអ្នកដឹកនាំ ទោះជាយ៉ាងនោះក្តីភាពជាមនស្សមិនមាភាពពេញលេញដូចជាព្រះនោះទេ ភាពមិនពេញលេញគឺមានន័យថា មនុស្សមិនមានសម្ថភាពគ្រប់គ្រាន់ដូចជាព្រះនោះទេ មនុស្សត្រូវការពឹកពាក់ព្រះជាម្ចាស់នៅក្នុងការដឹកមនុស្សយើងខ្សោយពីមនុស្សមានបាប់ ការដឹកនាំយើងត្រូវការព្រះជាម្ចាស់ទ្រង់ធ្វើជាជំនួយដល់យើងរាល់គ្នា។

អនុវន្ត៍

ការត្រាសហៅមកពីព្រះជាម្ចាស់យើងត្រូវធ្វើតាមដូចលោកលោកអប្រាហាំបានចាកចេញពីស្រុកកំនើតលោកអប្រាហាំចេញទៅកាន់ទឹកដីសន្យាតាមសេចក្តីដែលព្រះបាន សន្យាជាមួយលោកថា ព្រះជាម្ចាស់និងបង្កើតនរគមួយយ៉ាងធំពីលោកអប្រាហាំ លោកអប្រាហានិងមានកេរ៍ឈ្មោះយ៉ាងល្បីល្បាញលោកអប្រាហាំជាអ្នកដឹកនាំគ្រប់ជាតិសាសន៍ លោកក៏បានធ្វើការស្តាប់បង្គាប់ លោកអប្រាហាំចូលក្នុងទឹកដីសន្យា ព្រះជាម្ចាស់ក៏បានប្រើលោកអ្នកបងប្អូនផងដើម្បីធ្វើជាអ្នកដឹកនាំ ហើយលោកអ្នកត្រូវយល់ថាការត្រាស់ហៅរបស់ព្រះគឺទ្រង់មានគោលបំណងរបស់ទ្រង់គឺធ្វើជាអ្នកដឹកនាំអ្វីមួយជាមិនខាន។